16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Ժողովրդական արվեստների թանգարանում կկայանա «Լաբիրինթ» ցուցահանդեսի բացումը
Մշակույթ
17.02.2026 | 10:31
Փետրվարի 27-ին, ժամը 16:00-ին Հովհաննես Շարամբեյանի անվան Ժողովրդական արվեստների թանգարանում կկայանա «Լաբիրինթ» ցուցահանդեսի պաշտոնական բացումը․ հայտնում են Ժողովրդական արվեստների թանգարանից։
«Ցուցահանդեսի շրջանակում հանրությանը կներկայացվեն Տավուշի և Կոտայքի ստեղծագործ կանանց աշխատանքները, հավաքածուներն ու պատմությունները։ Ցուցահանդեսը բազմաշերտ մշակութային հարթակ է, որտեղ հանդիպում են ավանդույթն ու ժամանակակից մտածողությունը, անձնական պատմությունն ու հավաքական փորձը՝ ձևավորելով ստեղծարար երկխոսության յուրօրինակ տարածք։
Յուրաքանչյուր ներկայացված գործ ոչ միայն գեղարվեստական արտահայտություն է, այլև վկայություն՝ կանանց ինքնարտահայտման, ինքնության որոնման և ստեղծարար ճանապարհի մասին։ «Լաբիրինթ» անվանումը խորհրդանշում է այդ ճանապարհը՝ լի փորձություններով, բացահայտումներով և նոր հնարավորություններով։
Ցուցահանդեսը նախաձեռնել են ԿրեԼաբ Տավուշ և Կոտայք կենտրոնները՝ Ժողովրդական արվեստների թանգարանի հետ համատեղ՝ Մշակույթի զարգացման հիմնադրամի աջակցությամբ:
Ժողովրդական արվեստների թանգարանի հետ սերտ համագործակցության շնորհիվ հին հայկական արհեստագործությունը և ժամանակակից արվեստը կձուլվեն «Լաբիրինթ» ցուցահանդեսի ներքո՝ նպաստելով հետագա փորձի փոխանակմանը և ձեռագործ արվեստը նորովի ներկայացման գործին»,- ասված է հաղորդագրությունում։
