28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Մոսկվայի դատարանը «Դոժդ»-ի հաղորդավար Եկատերինա Կոտրիկաձեին հեռակա կարգով 8 տարվա ազատազրկման է դատապարտել
Քաղաքականություն
16.02.2026 | 12:45
Մոսկվայի Գոլովինսկի դատարանը «Դոժդ»-ի լրագրող, հաղորդավար Եկատերինա Կոտրիկաձեին մեղավոր է ճանաչել ռուսական բանակի մասին «կեղծ լուրեր» տարածելու մեջ և հեռակա կարգով դատապարտել է 8 տարվա ազատազրկման ընդհանուր ռեժիմի գաղութում։ Դատավճիռը նաև արգելում է Կոտրիկաձեին պատիժը կրելուց հետո 4 տարի կայքերի կառավարմամբ զբաղվել, գրում է Meduza-ն։
Դատախազությունը լրագրողի համար պահանջել էր 9 տարվա ազատազրկում, սակայն Կոտրիկաձեն չի ընդունել մեղքը։
Մեդիազոնան հիշեցնում է, որ քրեական գործը սկսվել է լրագրողի կողմից 2022 թվականի գարնանը իր Telegram ալիքում արված գրառումներից։ Դրանցում, մասնավորապես, քննարկվել են Բուչայում խաղաղ բնակիչների սպանությունները և Օդեսայի վրա հրթիռային հարվածի ժամանակ երեք ամսական աղջկա և նրա մոր մահը։
Ըստ լրագրողի՝ մեղադրական եզրակացության մեջ նշված է, որ որոշ վկաներ վախ և անհանգստություն են զգացել իր գրառումները կարդալուց հետո, նրանցից մեկը «սկսել է կասկածել ամեն ինչի վրա» և գնացել է կարդալու Ռուսաստանի պաշտպանության նախարարության մամուլի հաղորդագրությունները։
2025 թվականի ամռանը «Դոժդ»-ի լրագրողների դեմ հարուցվել է «կեղծ լուրերի» գործ։ Կոտրիկաձեից բացի՝ հեռակա կարգով մեղադրանք է առաջադրվել լրագրող Վալերիա Ռատնիկովայի և «Դոժդ»-ի գլխավոր խմբագիր Տիխոն Ձյադկոյի նկատմամբ։ Հոկտեմբերին նրանք ավելացվել են «Ռոսֆինմոնիտորինգ»-ի ահաբեկիչների և ծայրահեղականների ցուցակում։
Թարգմանությունը՝ Էմմա Չոբանյանի
