18.08.2026 | 13:50
Արեգնազ Մանուկյանի և դստեր հանդիպման արգելքի մասին տեղեկություն ենք ուզել իրավապահներից. Մինասյան․ ՏԵՍԱՆՅՈՒԹ
Ներխուժման դեպքում պատերազմը կտեղափոխենք ՌԴ տարածք․ Էստոնիայի ԱԳ նախարար
Քաղաքականություն
15.02.2026 | 19:16
Այն նարատիվը, թե Էստոնիան Եվրոպայի ամենախոցելի երկրներից մեկն է, «ֆեյք նյուզ» է, DW-ին տված հարցազրույցում հայտարարել է Էստոնիայի արտաքին գործերի նախարար Մարգուս Ցահքնան։
«Մենք հստակ գիտենք՝ ինչ անել։ Մենք պատրաստ ենք Ռուսաստանի հնարավոր ներխուժմանը, և զսպման մակարդակը իրականում շատ բարձր է»,-ասել է նա։
Պատասխանելով այն հարցին, որ Էստոնիան համարվում է ՌԴ հնարավոր ներխուժման առաջին թիրախներից մեկը, Ցահքնան ընդունել է, որ «եթե պարզապես նայենք քարտեզին, դա շատ տրամաբանական է»։ Սակայն, նրա խոսքով, իրական կյանքում Էստոնիան էականորեն ավելացնում է իր կարողությունները։
«Կարծում եմ՝ ՆԱՏՕ-ն այսօր ավելի ուժեղ է, քան երբևէ։ Մենք արդեն ունենք պաշտպանության նոր պլաններ, ինչը նշանակում է, որ մենք պարզապես չենք սպասում։ Եթե Ռուսաստանը ներխուժի մեր տարածք, սկսելով դիմադրությունը՝ մենք պատերազմը կտեղափոխենք Ռուսաստանի տարածք»,-նախազգուշացրել է Էստոնիայի ԱԳ նախարարը։
Այս համատեքստում նրան անհանգստացնում է «քաղաքական կամքը»․ «Մեզ անհանգստացնում է Եվրոպան՝ արդյոք Եվրոպան պատրաստ է որոշում կայացնել, ոտքի կանգնել և դառնալ ավելի ուժեղ»։
