02.07.2026 | 14:22
ԵՄ մակարդակով պատրաստվում են երեխաների համար սոցցանցեր մուտքի արգելք սահմանել
Օրենքի վրա հիմնված աշխարհակարգը վերացել է. Մյունխենում մեկնարկել է Անվտանգության 62-րդ համաժողովը
Քաղաքականություն
13.02.2026 | 17:46
Մյունխենում աշխատանքն է սկսել 62-րդ միջազգային անվտանգության համաժողովը։ Հավաքին ներկա են պետությունների և կառավարությունների ռեկորդային թվով անդամներ․ ժամանել են ավելի քան 60 պետությունների և կառավարությունների ղեկավարներ, ինչպես նաև մոտ 100 երկրների պաշտպանության նախարարներ, գրում է DW-ի ռուսական ծառայությունը։
«Տրանսատլանտյան հարաբերությունները պահանջում են ավելի ուժեղ Եվրոպա։ Եվրոպան պետք է վերելք ապրի։ Սակայն դա կարող է անել միայն այն դեպքում, եթե եվրոպական երկրները միասնական լինեն»,- համաժողովի բացմանն ասել է Մյունխենի անվտանգության համաժողովի (MSC) նախագահ Վոլֆգանգ Իշինգերը։
«Այս համաժողովն անցկացվում է «Կործանման գործընթացում» մռայլ կարգախոսի ներքո։ Սա նշանակում է, որ միջազգային կարգը, որը հիմնված էր օրենքի և կանոնների վրա, այժմ փլուզվում է»,- իր հերթին հայտարարել է Գերմանիայի կանցլեր Ֆրիդրիխ Մերցը։
Ըստ նրա՝ «այն այժմ գործնականում գոյություն չունի, այլևս գոյություն չունի»։
«Եվրոպան ավարտեց իր երկարատև արձակուրդը համաշխարհային պատմությունից։ Մենք կրկին հատել ենք մի դարաշրջանի շեմը, որը բացահայտորեն բնութագրվում է ուժի կիրառմամբ և մեծ տերությունների քաղաքականությամբ»,- փիլիսոփա Պետեր Սլոտերդեյկին է կանցլերը։
Նա Ռուսաստանի կողմից Ուկրաինա ներխուժումն անվանել է նախկին կանոնների վրա հիմնված աշխարհակարգի փլուզման գլխավոր նշանը։
«Առաջին հերթին՝ սա Ռուսաստանի բռնի ռևիզիոնիզմն է, նրա դաժան պատերազմն Ուկրաինայի դեմ։ Ամեն օր կատարվում են ռազմական հանցագործություններ։ Սա այս միտման ամենաակնառու դրսևորումն է»,- ասել է Ֆրիդրիխ Մերցը։
Թարգմանությունը՝ Էմմա Չոբանյանի
