27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Վրաստանը կարող է օգուտ քաղել Ադրբեջանի և Հայաստանի միջև խաղաղությունից. ԱՄՆ Պետքարտուղարություն
Քաղաքականություն
13.02.2026 | 15:26
Միացյալ Նահանգները ձգտում է կառուցողական հարաբերությունների Վրաստանի հետ։ ԱՄՆ Պետքարտուղաղրությանն խոսնակն այս մասին հայտնել է վրացական Netgazeti-ի հարցմանն պատասխան։
«Միացյալ Նահանգները 33 տարի շարունակ եղել է Վրաստանի և վրաց ժողովրդի նախընտրելի գործընկերը: Մենք շարունակում ենք մնալ Վրաստանի անկախության, ինքնիշխանության և տարածքային ամբողջականության ամուր կողմնակիցը: Միացյալ Նահանգները ձգտում է է Վրաստանի հետ կառուցողական հարաբերությունների: Նախագահ Թրամփի միջնորդությամբ Հայաստանի և Ադրբեջանի միջև կնքված խաղաղության համաձայնագիրը վերափոխման հնարավորություն է բացում ամբողջ Հարավային Կովկասի համար։ Վրաստանը կարող է և՛ իր ներդրումն ունենալ, և՛ մեծապես օգտվել այս համաձայնագրի ապահովվող կայունությունից և բարգավաճումից։ Մենք կշարունակենք համագործակցել Վրաստանի կառավարության հետ մեր երկկողմ հարաբերություններին և Վրաստանի քաղաքական միջավայրին ազդող հարցերի շուրջ։ Մենք նաև կքննարկենք այն կոնկրետ քայլերը, որոնք Վրաստանի կառավարությունը կարող է ձեռնարկել՝ ցույց տալու համար իր հանձնառությունը մեր երկրների միջև հարաբերություններն ամրապնդելու և զարգացնելու հարցում»,- ասվում է Պետքարտուղարության խոսնակի հայտարարության մեջ։
Թարգմանությունը՝ Էմմա Չոբանյանի
