03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Զելենսկին պարգևատրել է ուկրաինացի մարզիկին, որը որակազրկվել է Օլիմպիական խաղերին զոհված մարզիկների պատկերներով սաղավարտ կրելու համար
Քաղաքականություն
12.02.2026 | 20:11
Ուկրաինայի նախագահ Վլադիմիր Զելենսկին հրամանագիր է ստորագրել ուկրաինացի սկելետոնիստ Վյաչեսլավ Գերասկևիչին Ազատության շքանշանով պարգևատրելու մասին, գրում է BBC-ի ռուսական ծառայությունը։
«Ուկրաինացի ժողովրդին անձնուրաց ծառայության, քաղաքացիական քաջության և ազատության ու ժողովրդավարական արժեքների իդեալների պաշտպանության գործում ցուցաբերած հայրենասիրության համար»,- ասվում է նախագահի հրամանագրում։
Այսօր ավելի վաղ հայտնի էր դարձել, որ Գերասկևիչը որակազրկվել է և չի կարողանա մասնակցել Օլիմպիական խաղերի մրցումներին, քանի որ հրաժարվել է սաղավարտը, որի վրա պատկերված էին պատերազմում զոհված ուկրաինացի մարզիկների դիմանկարները, փոխարինել այլ սաղավարտով։ Բոբսլեյի և սկելետոնի միջազգային ֆեդերացիան սա համարել է օլիմպիական մարզիկների չեզոքության սկզբունքի խախտում։
Նշվում է, որ Գերասկևիչի հետ բազմաթիվ քննարկումներից, այդ թվում՝ ՄՕԿ նախագահի հետ անձնական հանդիպումից հետո, ուկրաինացի մարզիկը «հրաժարվել է որևէ կերպ փոխզիջման գնալ»։
Ազատության շքանշանն Ուկրաինայի բարձրագույն պարգևներից մեկն է։ Այն շնորհվում է քաղաքացիներին և օտարերկրացիներին՝ Ուկրաինայի ինքնիշխանության և անկախության ամրապնդման գործում ունեցած ակնառու և բացառիկ նվաճումների համար։
Թարգմանությունը՝ Էմմա Չոբանյանի
