15.10.2026 | 16:55
Բրյուսելը սպասում է Զելենսկիին․ մեկնարկեց Եվրոպական խորհրդի գագաթնաժողովը․ ԼՈՒՍԱՆԿԱՐՆԵՐ
«Մտահոգված ենք Ռուսաստանի և Իրանի համագործակցությամբ ու պատրաստ չենք ԻՊ-ն փոխել Իրանի հետ». Նեթանյահու
Քաղաքականություն
03.05.2017 | 12:02
Սիրիայում տոննաներով քիմիական զենք է մնացել. այս մասին հայտարարել է Իսրայելի վարչապետ Բինյամին Նեթանյահուն՝ իսրայելական 9-րդ ալիքին տված հարցազրույցում. հաղորդում է ТАСС-ը:
Այնուհետև նշել, որ Իսրայելը մտահոգված է Ռուսաստանի և Իրանի համագործակցությամբ: «Ռուսաստան-Իրան առանցքի առկայության փաստը մեզ շատ է մտահոգում, – ասել է վարչապետն ու շարունակել,- մենք ասում ենք, որ Իրանը, և ես ասացի այդ մասին Վլադիմիր Պուտինին, վտանգ է ներկայացնում ոչ միայն մեզ համար, այլև, վերջին հաշվով, նաև ձեզ համար»:
Ռուսաստանը ցանկանում է թույլ չտալ «Իսլամական պետություն» ահաբեկչական խմբավորման հաղթանակը, «կոտրել նրան», շարունակել է Իսրայելի վարչապետը: «Բայց դա չի նշանակում, որ մենք պատրաստ ենք ԻՊ-ը փոխել Իրանի հետ, որպեսզի «Հեզբոլլահ»-ը կամ շիա աշխարհազորայիններն օգտագործեն սիրիական տարածքը, Գոլանի բարձունքների սիրիական մասը՝ մեզ վրա հարձակվելու համար»,- ասել է Նեթանյահուն:
