09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Արևմուտքը փորձում է ամրապնդել իր ազդեցությունը Հարավային Կովկասում. ՀԱՊԿ շտաբի պետ
Քաղաքականություն
12.02.2026 | 13:17
Արևմտյան երկրները փորձում են ամրապնդել իրենց ազդեցությունը Հարավային Կովկասի տարածաշրջանում։ Այս մասին հայտարարել է Հավաքական անվտանգության պայմանագրի կազմակերպության (ՀԱՊԿ) միացյալ շտաբի պետ, գեներալ-գնդապետ Անդրեյ Սերդյուկովը, գրում է ՏԱՍՍ-ը։
«Հատկապես մտահոգություն է առաջացնում Կովկասի տարածաշրջանում ստեղծված իրավիճակը, որը բնութագրվում է հին, չլուծված հակասությունների և նոր աշխարհաքաղաքական մարտահրավերների համադրությամբ։ Սա մեծապես պայմանավորված է Արևմտյան երկրների կողմից Հարավային Կովկասում իրենց ազդեցությունն ամրապնդելու փորձերով»,- նշել է նա։
Խոսելով Կենտրոնական Ասիայի մասին՝ ՀԱՊԿ միացյալ շտաբի պետն ասել է, որ Աֆղանստանում գործող բազմաթիվ միջազգային ծայրահեղական և ահաբեկչական խմբավորումները բացասաբար են անդրադառնում տարածաշրջանի կայունության և անվտանգության վրա։ Սերդյուկովի խոսքով՝ սա ստեղծում է հարակից տարածքներ ահաբեկչության արտահանման իրական սպառնալիք։
«Դիվերսիոն արմատական գաղափարախոսության տարածումը և թմրանյութերի ապօրինի շրջանառությունը շարունակում են մնալ լուրջ մարտահրավերներ։ Ընդհանուր առմամբ, կազմակերպության պատասխանատվության գոտում իրավիճակը պահպանում է լարվածությունը և անկանխատեսելի բնույթը։ Միջազգային հարաբերությունների շարունակական հետընթացի պայմաններում՝ հակամարտության հավանականությունը միայն կաճի»,- ասել է նա։
Թարգմանությունը՝ Էմմա Չոբանյանի
