06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ոնց որ 12 թվից նույն շորով մնանք․ ով օրհներգի կարգը չպահի, պատասխանատվության կենթարկվի. Փաշինյան․ ՏԵՍԱՆՅՈՒԹ
Քաղաքականություն
12.02.2026 | 11:39
Կառավարությունն ընդունեց Հայաստանի Հանրապետության օրհներգի կատարման կարգի որոշումը։
Վարչապետ Նիկոլ Փաշինյանը հայտարարեց՝ պետական մարմինների միջոցառումներին օրհներգը պետք է հնչի կենդանի կատարմամբ։
«Սա նշանակում է, որ մի շարք գերատեսչություններում պետք է ունենան նվագախմբեր, երգչախմբեր, իսկ նրանք, ովքեր չունեն, թող հրավիրեն, որ կատարեն։ Եթե այնպիսի միջոցառում է, որ օրհներգը պետք է հնչի, նշանակում է՝ այդ միջոցառումը որոշակի բյուջե էլ ունի, կարելի է այդ միջոցառման այլ ատրիբուտներից քիչ ծախսել և ուղղել դրան։ Սա մշակույթի, երաժշտության զարգացման ոլորտում ներդրում է»,- ասաց նա` շարունակելով.
«Մանկապարտեզների և դպրոցների դեպքում, երբ ասում ենք՝ սաները կարող են կատարել, պետական հիմնարկներում ևս կարող են ունենալ երգչախմբեր, որոնք կարող են պետական օրհներգը կատարել, և կարծում եմ՝ շատ գեղեցիկ կլինի։ Իհարկե, մի քիչ երգելու ընդունակության և տաղանդի հարց կա, բայց, կարծում եմ՝ ևս մեկ հետաքրքիր էլեմենտ կմտնի պետական համակարգում աշխատելու երբեմն միօրինակ առօրյայի մեջ, չնայած այն գնալով ավելի ու ավելի պակաս միօրինակ է դառնում»։
Այլ կառույցներում էլ ստանդարտ է սահմանվում, որ պետք է միացվի այն ձայնագրությունը, որը պետական ստանդարտով սահմանված է և տեղադրված է պաշտոնական կայքերում․ դրանցից դուրս օրհներգի տարբերակներ միացնելը պարզապես արգելվում է։
Փաշինյանը նշեց, նրանք ովքեր չուզենան օգտվել օրհներգի ճիշտ տարբերակից՝ կհետևի պատասխանատվությունը։
Նա հանձնարարեց, որ օրհներգի նոր, լավ հոլովակ նկարել։
Մանրամասները` տեսանյութում։
