29.10.2026 | 21:10
Ինչ արել եմ, տեղին եմ արել․ Գառնիկ Դավթյան. ՏԵՍԱՆՅՈՒԹ
WhatsApp-ը հայտարարում է, որ ՌԴ իշխանությունները փորձել են ամբողջությամբ արգելափակել մեսենջերը
12.02.2026 | 12:38
WhatsApp-ը հայտարարել է, որ Ռուսաստանի իշխանությունները փորձել են ամբողջությամբ արգելափակել մեսենջերը, գրում է Meduza-ն։
«Այսօր Ռուսաստանի իշխանությունները փորձեցին ամբողջությամբ արգելափակել WhatsApp-ը՝ մարդկանց ստիպելով անցնել պետական հավելվածի, որը չի պաշտպանվում վերահսկողությունից: Ավելի քան 100 միլիոն օգտատիրոջ մեկուսացնելու, նրանց անձնական և անվտանգ հաղորդակցության իրավունքից զրկելու ջանքերը հետընթաց քայլ են, որը կարող է միայն հանգեցնել Ռուսաստանում մարդկանց անվտանգության անկմանը: Մենք շարունակում ենք անել հնարավոր ամեն ինչ՝ օգտատերերի կապի մեջ պահելու համար»,- ասվում է ռուսերենով հրապարակված հայտարարության մեջ։
Երեկ լուրեր տարածվեցին, որ WhatsApp-ի, YouTube-ի և Ռուսաստանում գործող մի քանի անկախ լրատվամիջոցների դոմեյնները հեռացվել են Ազգային դոմեյնային անունների համակարգից՝ գործնականում ամբողջությամբ արգելափակելով դրանք։
Հարցին՝ արդյո՞ք WhatsApp-ը կվերադառնա, Կրեմլի խոսնակ Դմիտրի Պեսկովը պատասխանել է, որ «խոսքն օրենքի պահպանման մասին է», և եթե Meta կորպորացիան, որին պատկանում է մեսենջերը, «երկխոսության մեջ մտնի Ռուսաստանի իշխանությունների հետ», ապա «կառաջանա համաձայնության հասնելու հնարավորություն»։
«Եթե կորպորացիան շարունակի նույն անզիջում դիրքորոշումը զբաղեցնել և, ես կասեի, ցուցադրի Ռուսաստանի օրենսդրությունը պահպանելու լիակատար չկամություն, ապա հնարավորություն չկա»,- ասել է Պեսկովը։
2025 թվականի օգոստոսից ի վեր Ռոսկոմնադզորն արգելափակում է զանգերը WhatsApp և Telegram մեսենջերներում։
Թարգմանությունը՝ Էմմա Չոբանյանի
