29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Ծեծկռտուք Թուրքիայի խորհրդարանում. ՏԵՍԱՆՅՈՒԹ
Քաղաքականություն
11.02.2026 | 19:57
Թուրքիայի խորհրդարանում ընդդիմադիր ու իշխանական պատգամավորներո միջև ծեծկռտուք է տեղի ունեցել, գրում են տեղական լրատվամիջոցները։
Խորհրդարանում նորանշանակ արդարադատության նախարար Աքըն Գյուրլեքի և ներքին գործերի նախարար Մուստաֆա Չիֆթչիի երդմնակալության արարողության ժամանակ ընդդիմադիր CHP-ի և իշխող «Արդարություն ու զարգացում» կուսակցության պատգամավորների միջև բախում է տեղի ունեցել։ Նշվում է, որ երբ Աքըն Գյուրլեքը բարձրացել է ամբիոն՝ երդում տալու, իրավիճակը լարվել է։
Նախ ելույթ է ունեցել CHP-ից պատգամավոր Մուրատ Էմիրը՝ նշելով, որ դա հակասահմանադրական է։ Նա հայտարարել է, որ Աքըն Գյուրլեքը դեռևս գլխավոր դատախազ է։
Իշխող կուսակցությունից Աբդուլհամիթ Գյուլն ընդգծել է, որ հակասահմանադրական իրավիճակ չկա։ Սկսվել է լեզվակռիվ, ապա լարվածությունն աճել է։
Երբ Աքըն Գյուրլեքին հրավիրել են ամբիոնի մոտ՝ երդում տալու, CHP-ի պատգամավորները «գրավել են ամբիոնը»՝ նորանշանակ նախարարի երդմնակալությունը խոչընդոտելու համար։ Իշխող «Արդարություն և զարգացում» կուսակցության պատգամավորների միջամտությունից հետո նրանց և CHP պատգամավորների միջև ծեծկռտուք է սկսվել։
Ամբիոնի առջև տեղի ունեցած կռվի ժամանակ ԱԶԿ-ի Անկարայի պատգամավոր Օսման Գյոքչեքը հարվածել է CHP-ի Ուրֆայի պատգամավոր Մահմութ Թանալին։ Վերջինն առաջին բուժօգնություն է ստացել։
Հավելենք, որ Թուրքիայի արդարադատության նախարար նշանակված Ստամբուլի դատախազ Գյուրլեքը գլխավորում է ընդդիմության դեմ հետաքննությունները։ Ընդդիմությունը դեմ է այս նշանակմանը։
Թարգմանությունը՝ Էմմա Չոբանյանի
