14.07.2026 | 15:55
Գազամատակարարման պլանային դադարեցում Աղվերան բնակավայրում՝ հուլիսի 15-ին
Խորապես հիասթափեցնող է, թե ինչպես է փոխնախագահը ջնջում Հայոց ցեղասպանությունը ճանաչող գրառումը. Նենսի Փելոսի
Քաղաքականություն
11.02.2026 | 12:13
Երբ 2022 թվականին որպես Կոնգրեսի խոսնակ ես այցելեցի Հայաստան, մեր պատվիրակությունը կանգնած էր Ծիծեռնակաբերդում և հստակ ու առանց ներողություն խնդրելու խոսեց Հայոց ցեղասպանության մասին, որովհետև ճշմարտությունը կարևոր է։ Այս մասին X-ի իր միկրոբլոգում գրել է ԱՄՆ Ներկայացուցիչների պալատի նախկին խոսնակ Նենսի Փելոսին՝ անդրադառնալով փոխնախագահ Ջեյ Դի Վենսի գրասենյակի կողմից Հայոց ցեղասպանության մասին ջնջված գրառմանը։
«Այդ ճշմարտությունը հաստատվեց, երբ Ներկայացուցիչների պալատը 2019 թվականին մեծամասնությամբ ընդունեց Հայոց ցեղասպանությունը ճանաչող երկկուսակցական բանաձև, և երբ նախագահ Բայդենը բարոյական առաջնորդություն ցուցաբերեց՝ պաշտոնապես ճանաչելով այն 2021 թվականին՝ դիրքորոշում, որն ամոթալիորեն չեղյալ հայտարարեց Թրամփի վարչակազմը։ Խորապես հիասթափեցնող է, թեև ոչ զարմանալի, տեսնել, թե ինչպես է փոխնախագահը ջնջում այդ ճշմարտությունը ճանաչող գրառումը։ Պատմության ջնջումն անարգում է զոհերին և թուլացնում մեր հանձնառությունը մարդու իրավունքների նկատմամբ ամենուրեք»,- հայտարարել է Փելոսին։
Թարգմանությունը՝ Էմմա Չոբանյանի
