18.08.2026 | 17:25
Մեծ Բրիտանիայի վարչապետը խոստացել է շարունակել աջակցել Ուկրաինային՝ Մոսկվայի մեղադրանքների ֆոնին
ԱՄՆ-ի ճնշումների ներքո Զելենսկին կարող է հայտարարել ընտրությունների և հանրաքվեի անցկացման մասին. FT
Քաղաքականություն
11.02.2026 | 11:52
Ուկրաինան սկսել է պլանավորել նախագահական ընտրությունները և Ռուսաստանի հետ խաղաղության համաձայնագրի վերաբերյալ հանրաքվեն, այն բանից հետո, երբ Թրամփի վարչակազմը պահանջել է Կիևից քվեարկությունն անցկացնել մինչև մայիսի 15-ը՝ սպառնալով հետ վերցնել անվտանգության երաշխիքները։ Այս մասին հաղորդում է Financial Times-ը՝ հղում անելով աղբյուրներին, գրում է BBC-ի ռուսական ծառայությունը։
Աղբյուրների համաձայն՝ այս ամենը տեղի է ունենում Սպիտակ տան կողմից Կիևի վրա Ուկրաինայի և Ռուսաստանի միջև խաղաղության բանակցությունները գարնանն ավարտելու ուժեղ ճնշման ֆոնին։ Ուկրաինայի նախագահ Վլադիմիր Զելենսկին անցյալ ուրբաթ լրագրողներին նաև ասել էր, որ ԱՄՆ-ն առաջարկում է պատերազմը դադարեցնել մինչև ամռան սկիզբ։
Ընտրությունների անցկացումը կլինի դրամատիկ քաղաքական շրջադարձ Ուկրաինայի նախագահի համար, որը բազմիցս հայտարարել է, որ ընտրություններն անհնար են, քանի դեռ երկրում ռազմական դրություն է գործում, միլիոնավոր ուկրաինացիներ տեղահանված են, և երկրի մոտ 20%-ը մնում է ռուսական օկուպացիայի տակ, ասվում է հրապարակման մեջ։
FT-ի աղբյուրների համաձայն՝ Զելենսկին մտադիր է փետրվարի 24-ին՝ Ռուսաստանի լայնածավալ ներխուժման չորրորդ տարելիցին, հայտարարել նախագահական ընտրություններ և հանրաքվե անցկացնելու ծրագրի մասին։
Թարգմանությունը՝ Էմմա Չոբանյանի
