13.05.2026 | 19:52
Ո՞վ չի կարող քվեարկել․ ամենը, ինչ պետք է իմանալ ընտրություններից առաջ. ՏԵՍԱՆՅՈՒԹ
Ադրբեջանի և ԱՄՆ-ի միջև ռազմավարական գործընկերության մասին փաստաթուղթ է ստորագրվել
Քաղաքականություն
10.02.2026 | 21:00
Բաքվում տեղի է ունեցել «Ադրբեջանի Հանրապետության կառավարության և Ամերիկայի Միացյալ Նահանգների կառավարության միջև ռազմավարական գործընկերության մասին խարտիայի» ստորագրման արարողությունը։ Փաստաթուղթը ստորագրել են Ադրբեջանի նախագահ Իլհամ Ալիևը և ԱՄՆ փոխնախագահ Ջեյմս Դեյվիդ Վենսը։
Փաստաթղթի շրջանակում կողմերը երկկողմ համագործակցության հինգ հիմնական նպատակներ են նախանշել։
Ադրբեջանը և Միացյալ Նահանգները վերահաստատում են իրենց աջակցությունը միմյանց ինքնիշխանությանը, անկախությանը, տարածքային ամբողջականությանը և սահմանների անձեռնմխելիությանը որպես երկկողմ հարաբերությունների հիմք։
Հիմք են ընդունում 2025 թվականի օգոստոսի 8-ին Վաշինգտոնում ստորագրված՝ Ադրբեջանի և ԱՄՆ կառավարությունների միջև ռազմավարական գործընկերության կանոնադրություն մշակելու համար աշխատանքային խումբ ստեղծելու վերաբերյալ փոխըմբռնման հուշագիրը։
Վերահաստատում ռազմավարական գործընկերության կարևորությունը փոխադարձ հետաքրքրություն ներկայացնող և ընդհանուր օգուտ ներկայացնող ոլորտներում, ներառյալ տարածաշրջանային կապը, տնտեսական ներդրումները և անվտանգության ոլորտում համագործակցությունը։
Ընդգծում են փոխադարձ հետաքրքրություն ներկայացնող հարցերի շուրջ հարաբերությունները ամրապնդելու իրենց փոխադարձ ցանկությունը, այդ թվում՝ դիվանագիտական, տնտեսական, էներգետիկ, տեխնոլոգիական և անվտանգության ոլորտներում։
Նաև հաստատում են ռազմավարական գործընկերությունների և ընդլայնված համագործակցության պլանավորման և իրականացման գործում ոչ միայն պետական մարմինների, այլև երկու երկրների մասնավոր հատվածի ներգրավման կարևորությունը։
Տարածաշրջանային կապը և էներգետիկ անվտանգությունը նշվել են որպես համագործակցության կարևոր ոլորտներ:
Փաստաթղթում նաև նշվում է ներդրումների կարևորությունը, այդ թվում՝ արհեստական բանականության և թվային ենթակառուցվածքների ոլորտում։
Թարգմանությունը՝ Էմմա Չոբանյանի
