28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Ռուբեն Վարդանյանը եզրափակիչ խոսքով է հանդես եկել ու ադրբեջանական բանաստեղծություններ ընթերցել
Քաղաքականություն
10.02.2026 | 19:40
Արցախի նախկին պետնախարար Ռուբեն Վարդանյանի շինծու գործերով այսօրվա դատական նիստը շարունակվել է ընդմիջումից հետո, որի ընթացքում Վարդանյանը խոսել է իր փաստաբանի հետ։ Ադրբեջանական լրատվամիջոցների հաղորդմամբ՝ խոսքը տրվել է Վարդանյանի փաստաբան Բաբիշովին։ Վերջինն ասել է, որ ինքն ու իր պաշտպանյալը կտրականապես համաձայն չեն առաջադրված մեղադրանքների հետ։ Նա նշել է, որ հրաժարվում է խոսել քրեական գործի պաշտպանության համար՝ հիմնվելով Վարդանյանի դիրքորոշման վրա։
«Հաշվի առնելով, որ պաշտպանը որևէ փաստարկ, ապացույց կամ փաստ չի գնահատել մեղադրյալի դիրքորոշմանը համապատասխան, մենք այլ մեկնաբանություններ չունենք»,- ասել է գլխավոր դատախազի ավագ օգնական Վուսալ Ալիևը։
Ռուբեն Վարդանյանն իր եզրափակիչ խոսքում չի անդրադարձել կոնկրետ հարցերի, այլ խոսել է ընդհանուր գծերով։ Նա ասել է, որ կարդացել է Ադրբեջանի քրեական օրենսգիրքը։
Ըստ ադրբեջանական կողմի՝ նա իր խոսքում նաև ասել է, որ ավելի քան երկու տարի կալանքի տակ գտնվելու ընթացքում ինքն իր համար բացահայտել է ադրբեջանական պոեզիան: Վարդանյանը ռուսերենով կարդացել է ադրբեջանցի բանաստեղծներ Մահամմադ Ֆիզուլիի բանաստեղծությունը և Հուսեյն Ջավիդի բանաստեղծությունից մի հատված: Դրանից հետո նա եզրափակել է իր խոսքը:
Թարգմանությունը՝ Էմմա Չոբանյանի
