30.09.2026 | 22:42
Հայաստանի հավաքականը ժամանել է Կիպրոս
Ճապոնիան կարող է օրինակ ծառայել․ Ավինյանի տեղակալը՝ Նորագյուղում բարձրահարկ շենքերի կառուցման մասին․ ՏԵՍԱՆՅՈՒԹ
Տնտեսություն
10.02.2026 | 14:57
Երևանի փոխքաղաքապետ Լևոն Հովհաննիսյանը կարծում է, որ Նորագյուղում բարձրահարկերի կառուցման տեսանկյունից Ճապոնիան կարող է օրինակ ծառայել։
Factor TV-ի հետ զրույցում պաշտոնյան նշեց, որ յուրաքանչյուր շենք, նախևառաջ, պետք է նախագծվի, անցնի փորձաքննություն:
«Վերջնական հարկայնության մասով, իհարկե, դեռ վաղ է խոսել, և կարծում եմ, որ հանրությանը մենք կներկայացնենք այն ներդրումային փաթեթները, որոնք ստացել ենք մասնավորներից։ Բայց, ընդհանուր առմամբ, պատկերացնում ենք, որ այդ թաղամասը, այո՛, լինելու է բարձրահարկ բիզնես տեսակի շենքերով կառուցապատված»,- ընդգծեց փոխքաղաքապետը։
Հիշեցնենք, որ Տիգրան Ավինյանը Կառավարության նիստում խոսելով Նորագյուղ թաղամասում կառուցապատման մասին՝ նշել էր, որ այնտեղ շենքերը կարող են լինել մինչև 70 հարկանի: Գործադիրը Ավինյանին լիազորել էր պետության անունից պայմանագրեր կնքել երկու ընկերությունների հետ։
Մանրամասները՝ տեսանյութում։
Արփի Հակոբյան
