02.04.2026 | 19:22
Փաշինյանը ներկա է եղել միջնադարյան գլուխգործոցի՝ հայկական եկեղեցու փայտյա դռան փեղկի ցուցադրությանը
ԱՄՆ պատվիրակության այցը Բաքու կնպաստի Վաշինգտոնի պայմանավորվածությունների իրականացմանը. Ադրբեջանում ԱՄՆ դեսպանատուն
Քաղաքականություն
10.02.2026 | 14:45
ԱՄՆ Առևտրի պալատի պատվիրակության այցն Ադրբեջան կնպաստի անցյալ տարվա օգոստոսի 8-ին Վաշինգտոնում կայացած գագաթնաժողովից հետո երկու երկրների միջև ձեռք բերված համաձայնագրերի ներուժի իրացմանը։ Այս մասին ասվում է Բաքվում ԱՄՆ դեսպանատան տարածած հաղորդագրությունում։
Նշվում է, որ Ադրբեջանում ԱՄՆ դեսպանատան գործերի ժամանակավոր հավատարմատար Էմի Քարլոնը Բաքվում հանդիպել է Առևտրի պալատի պատվիրակության հետ, որի կազմում են եղել ավելի քան 30 ամերիկյան ընկերությունների ներկայացուցիչներ։
«Սա ամերիկյան գործարար պատվիրակության առաջին այցն է Ադրբեջան՝ ԱՄՆ Առևտրի պալատի միջոցով։ Այն նաև ԱՄՆ-ի ջանքերի մի մասն է՝ ընդլայնելու տնտեսական համագործակցությունը, ինչպես նշված է ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի կողմից 2025 թվականի օգոստոսին ստորագրված փոխըմբռնման հուշագրում։ Ամերիկյան ընկերություններն աշխարհում ամենանորարարականներն են և կօգնեն մեզ իրացնել օգոստոսի 8-ի համաձայնագրերի ամբողջ ներուժը»,- ասել է Քարլոնը։
Թարգմանությունը՝ Էմմա Չոբանյանի
