23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Վատիկանը գեներատորներ, դեղորայք և սնունդ է ուղարկել Ուկրաինա
Քաղաքականություն
10.02.2026 | 13:05
Հռոմի Լևոն XIV պապը կազմակերպել է Ուկրաինա 80 էլեկտրաէներգիայի գեներատոր, դեղորայք և սնունդ տեղափոխող երեք բեռնատարների ուղարկումը։ Մարդասիրական օգնությունն արդեն ժամանել է երկիր, հայտնում էVatican News-ը, որին վկայակոչում է BBC-ի ռուսական ծառայությունը։
Նշվում է, որ փետրվարի 4-ին տեղի ունեցած ընդունելության ժամանակ Պապը կոչ է արել աջակցել Ուկրաինային՝ էներգետիկ ենթակառուցվածքների վրա հարձակումների հետևանքները հաղթահարելու համար և երախտագիտություն հայտնել բազմաթիվ թեմերում, մասնավորապես, Լեհաստանում համերաշխության նախաձեռնությունների համար։
«Պապն արձագանքել է բազմաթիվ եպիսկոպոսների կոչերին, ովքեր, գիտակցելով պատերազմի պատճառած տառապանքները, օգնություն խնդրեցին Ուկրաինան պատած ուժեղ ցրտի պատճառով առաջացած դժվարությունները հաղթահարելու համար: Գիշերային ջերմաստիճանն իջնում է մինչև -15 աստիճան, մինչդեռ ցերեկային ջերմաստիճանը տատանվում է -10-ից մինչև -12 աստիճանի սահմաններում: Շատ մարդիկ ստիպված են եղել լքել իրենց տները՝ տաքանալու համար կացարաններում, որտեղ գեներատորների շնորհիվ կարող են նաև տաք սնունդ ստանալ»,- ասվում է հայտարարության մեջ։
Հաղորդվում է, որ գեներատորների հետ մեկտեղ՝ Ուկրաինա են ուղարկվել հազարավոր դեղամիջոցներ, այդ թվում՝ հակաբիոտիկներ, հակաբորբոքային դեղամիջոցներ, սննդային հավելումներ և մելատոնին, որը հատկապես անհրաժեշտ է, քանի որ օգնում է մարդկանց քնել մշտական վախի և սթրեսի պայմաններում։
Թարգմանությունը՝ Էմմա Չոբանյանի
