Ճապոնիայի իշխող կուսակցությունը պատմական հաղթանակ է տարել խորհրդարանական ընտրություններում

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ճապոնիայի իշխող Լիբերալ-դեմոկրատական ​​կուսակցությունը (ԼԴԿ), որը գլխավորում է վարչապետ Սանաե Տակաիչիին, հաղթել է երկրի խորհրդարանի ստորին՝ Ներկայացուցիչների պալատի արտահերթ ընտրություններում։ Reuters-ի փոխանցմամբ՝ ԼԴԿ-ն ստացել է խորհրդարանի 465 տեղերից 316-ը, ինչը նրա պատմության մեջ լավագույն արդյունքն է և նշանակալի հաղթանակ 64-ամյա Սանաե Տակաիչիի համար, գրում է DW-ի ռուսական ծառայությունը։

Ճապոնիայի առաջին կին վարչապետը նախկինում պնդում էր արտահերթ ընտրությունների անցկացման հարցում՝ օգտվելով 2025 թվականի վերջին իշխող կուսակցության ղեկավար նշանակվելուց հետո իր բարձր ժողովրդականությունից։

Ընտրություններին մասնակցել է 1284 թեկնածու։ Նրանք մրցել են միամանդատ ընտրատարածքներով որոշված ​​289 և կուսակցական ցուցակներով բաշխված 176 տեղերի համար։

64-ամյա Սանաե Տակաիչին Ճապոնիայի վարչապետ է նշանակվել 2025 թվականի հոկտեմբերին։ Սա հաջորդել է ԼԴԿ-ի նախկին առաջնորդ Սիգերու Իշիբայի կամավոր հրաժարականին։ Նրա հեռանալը, ըստ լրագրողների, կապված է եղել 2024 թվականի ընտրություններում կուսակցության պարտության և ԼԴԿ-ի ներսում հասունացող պառակտման հետ։

Տակաիչին հայտնի է աջակողմյան հայացքներով և համարվում է կոշտ պահպանողական, ազգայնական և Սինձո Աբեի քաղաքական ժառանգորդը, որը սպանվեց 2022 թվականին՝ վարչապետի պաշտոնից հեռանալուց հետո: Տակաիչին նախկինում երկու անգամ զբաղեցրել է ներքին գործերի և կապի նախարարի պաշտոնը։

Վարչապետի պաշտոնը ստանձնելուց հետո Սանաե Տակաիչին խոստացել էր վերանայել Ճապոնիայի անվտանգության և պաշտպանության քաղաքականությունը, ամրապնդել երկրի հարձակողական ռազմական կարողությունները, վերացնել զենքի արտահանման արգելքը և, ընդհանուր առմամբ, հեռանալ Երկրորդ համաշխարհային պատերազմից հետո Ճապոնիայի կողմից որդեգրված խաղաղասիրական սկզբունքներից։ Տակաիչին նաև ներգաղթի վերաբերյալ ավելի խիստ օրենքների լոբբինգ է արել։

Միաժամանակ, Տակաիչին նաև հիանում է Մեծ Բրիտանիայի նախկին վարչապետ Մարգարետ Թետչերով և իրեն անվանում Ճապոնիայի «երկաթե տիկին»։ Պաշտոնը ստանձնելուց ի վեր նա սերտ կապեր է հաստատել ԱՄՆ նախագահ Դոնալդ Թրամփի հետ և քննադատության արժանացել Չինաստանի կողմից Թայվանի վրա հնարավոր հարձակման մասին իր արտահայտությունների  համար։

Թարգմանությունը՝ Էմմա Չոբանյանի