13.05.2026 | 19:52
Ո՞վ չի կարող քվեարկել․ ամենը, ինչ պետք է իմանալ ընտրություններից առաջ. ՏԵՍԱՆՅՈՒԹ
Երևանն ամբողջությամբ վերականգնել է իր կանաչ տարածքները, որոնք կային ԽՍՀՄ տարիներին․ Արմեն Բեգոյան․ ՏԵՍԱՆՅՈՒԹ
Տնտեսություն
09.02.2026 | 10:15
«Կանաչապատում և շրջակա միջավայրի պահպանության» ՀՈԱԿ-ի ղեկավար Արմեն Բեգոյանը Երևանի քաղաքապետարանում ներկայացրել է 2025 թվականին իրականացված աշխատանքների վերաբերյալ ամփոփ հաշվետվություն, որը ներառում է Երևան քաղաքի կանաչ գոտիների խնամքի իրականացումը, փողոցային տնկարկների վերաձևավորումը և դրանցում կենսունակության ավարտին մոտ գտնվող ծառերի փոխարինումն արժեքավոր ծառատեսակներով, ծառերի էտումը և ձևավորումը, նոր ուրբան անտառների և այգիների հիմնումը։
«Մենք կարող ենք արձանագրել մի կարևոր փաստ, որ Երևան քաղաքում 2022-ից 2025 թվականների ընթացքում, կամ վերջին երեք ու կես տարիներին, կանաչ տարածքների ավելացումը կազմում է 60 հա, որն ավելացնելով Երևան քաղաքում մինչև 2022 թվականին հայտարարված 850 հա տվյալին, այսպիսով ստանում ենք, որ Երևան քաղաքում կանաչ տարածքներն այս պահին կազմում են 910 հա, որը Սովետական Միության լավագույն տարիների ցուցանիշն է: Այսպիսով, կարող ենք ասել, որ Երևանն ամբողջությամբ վերականգնել է իր կորցրած կանաչ տարածքները:
Թյուրըմբռնումից խուսափելու համար նշեմ նաև, որ, այո՛, կան կանաչ տարածքներ, որոնք ամբողջությամբ վերականգնել հնարավոր չի եղել, արդեն կառուցապատված կամ այլ նպատակներով օգտագործված լինելու պատճառով, սակայն փոխարենը ստեղծվել են տարբեր վայրերում նոր կանաչ տարածքներ, որոնք դրանք կոմպենսացնում են, մասնավորապես, Եռաբլուրին հարող տարածք, Աշտարակի խճուղի, Փարոսի ագրոանտառը և այսպես շարունակ»,- նշել է Բեգոյանը։
Մանրամասները՝ տեսանյութում։
