08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Մեկ շաբաթում Ռուսաստանը Ուկրաինայի ուղղությամբ արձակել է 2000 ԱԹՍ և 116 հրթիռ
Քաղաքականություն
08.02.2026 | 20:33
Անցած շաբաթվա ընթացքում Ուկրաինայի դեմ հարձակումների համար Ռուսաստանը կիրառել է տարբեր տեսակների 116 հրթիռ, ինչպես նաև 1200 կառավարվող ավիացիոն ռումբ և ավելի քան 2000 հարվածային անօդաչու թռչող սարք։ Այդ վիճակագրությունը կիրակի՝ փետրվարի 8-ին, Telegram-ում ներկայացրել է Ուկրաինայի նախագահ Վլադիմիր Զելենսկին։
«Գրեթե ամեն օր նրանք (ՌԴ ԶՈւ-խմբ.) հարվածում են էներգետիկային, լոգիստիկ ենթակառուցվածքներին, բնակելի տներին։ Եվ դա տեղի է ունենում նույնիսկ այն ժամանակ, երբ խաղաղության հասնելու համար շարունակվում է դիվանագիտական աշխատանքը»,-նշել է ուկրաինական պետության ղեկավարը՝ մեկնաբանելով ներկայացված թվերը։
Միաժամանակ Վլադիմիր Զելենսկին կոչ է արել միջազգային հանրությանը արձագանքել ռուսական ագրեսիային։
«Սա հնարավոր է կանգնեցնել Ուկրաինային և մեր պաշտպանությանը իրական աջակցությամբ։ Անհրաժեշտ են ՀՕՊ համակարգերի համար հրթիռներ, զենք մեր զինվորների համար, որոնք ամեն օր զսպում են այս ագրեսիան։ Իսկ որպեսզի դիվանագիտությունն աշխատի, անհրաժեշտ է Ռուսաստանի նկատմամբ մշտական ճնշում։ Այս պատերազմի գինը նրանց համար պետք է այնքան բարձր լինի, որ պատերազմը ՌԴ-ի համար դառնա անընդունելի»,-գրել է նա։
