28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Իտալիայի իշխանությունները հաղորդել են Օլիմպիական խաղերի առաջին օրը երկաթուղային դիվերսիաների մասին
Քաղաքականություն
08.02.2026 | 15:29
Փետրվարի 7-ին Իտալիայի հյուսիսում գրանցվել են երեք դիվերսիոն գործողություններ երկաթուղային գծերի վրա, ինչի հետևանքով խաթարվել է գնացքների շարժը։ Այդ մասին գրում է Reuters-ը՝ հղում անելով Իտալիայի տրանսպորտի նախարարության և ոստիկանության հայտարարություններին։
Ոստիկանության տվյալներով՝ փետրվարի 7-ի առավոտյան Պեզարո քաղաքի մոտակայքում հրկիզվել է բաշխիչ վահանակը։ Մի քանի ժամ անց Բոլոնիայում հայտնաբերվել են կտրատված էլեկտրական մալուխներ, իսկ դրանցից ոչ հեռու գտնվել է պայթուցիկ սարք։
Ոստիկանությունում հայտնել են, որ մինչ այժմ ոչ ոք պատասխանատվություն չի ստանձնել միջադեպերի համար, որոնք, ամենայն հավանականությամբ, փոխկապակցված են եղել։ Արդյունքում, ինչպես հաղորդել է Իտալիայի պետական երկաթուղային ընկերությունը՝ Ferrovie dello Stato (FS), Բոլոնիայի երկաթուղային կայարանը ստիպված է եղել ժամանակավորապես փակվել։ Օրվա երկրորդ կեսին գնացքների շարժը վերականգնվել է։ Իտալիայի տրանսպորտի նախարարությունը տեղի ունեցածը որակել է որպես «լուրջ սաբոտաժի ակտ»։
Reuters-ի փոխանցմամբ՝ Բոլոնիան իտալական երկաթուղային ցանցի առանցքային հանգույց է, որը կապում է երկրի հարավը հյուսիսային քաղաքների, այդ թվում՝ Միլանի հետ։
Նշենք՝ ձմեռային օլիմպիական խաղերը անցկացվում են փետրվարի 7-ից 22-ը Միլանում և Կորտինա դ’Ամպեցոյում։
