18.08.2026 | 16:48
«Փաշինյանը հայերենի հրաշալի իմացություն ունի». Ռուզաննա Երեմյանը՝«կզացնել»,«չոքացնել» խոսույթի մասին․ ՏԵՍԱՆՅՈՒԹ
ՌԴ-ն դադարեցնում է ռուսական անձնագրերի տրամադրումը Աբխազիայի տարածքում
Քաղաքականություն
06.02.2026 | 18:50
Աբխազիայի ինքնահռչակ Հանրապետությունում Ռուսաստանի ներքին անձնագրերի տրամադրման գրասենյակների գործունեությունը կդադարեցվի։ Այս մասին հայտարարել է Սուխումիում ՌԴ դեսպանատունը։
Հայտարարության մեջ նշվում է, որ Ռուսաստանի ներքին անձնագրեր տրամադրելու գրասենյակները բացվել են 2026 թվականի հունվարին՝ «աբխազ քաղաքացիների համար առավելագույնս հարմարավետ պայմաններ ստեղծելու նպատակով», համաձայն «Երկքաղաքացիության հարցերի կարգավորման մասին» համաձայնագրի, որը կողմերը ստորագրել են 2022 թվականին, և որն ուժի մեջ է մտել 2025 թվականի ապրիլի 25-ին՝ Ռուսաստանի նախագահ Վլադիմիր Պուտինի որոշման հիման վրա։
Բացի այդ, 2025 թվականին Աբխազիայում բացվել են ռուսական վարորդական իրավունքի տրամադրման գրասենյակներ։
«Քանի որ աբխազ քաղաքական գործիչները, այդ թվում՝ Ժողովրդական ժողովի անդամները, կասկածի տակ են դնում վերոնշյալ անցակետերի օրինականությունը, ռուսական կողմը, որը հարգում է անկախ Աբխազիայի Հանրապետության ինքնիշխանությունը, ստիպված կլինի կասեցնել դրանց գործունեությունը։ Հետևաբար, Աբխազիայի Հանրապետության քաղաքացիներին այդ փաստաթղթերի տրամադրման գործընթացը կտեղափոխվի ՌԴ տարածք»,- նշել են դիվանագիտական ներկայացուցչությունում։
Աբխազիայի իշխանությունները դեռևս չեն մեկնաբանել այս տեղեկությունը։
Աբխազիայում ներքին ռուսական անձնագրեր տրամադրելու օրինականությունը վիճարկվել է խորհրդարանի մի շարք անդամների կողմից, այդ թվում՝ Կան Կվարչիայի, որը նախկինում հետախուզվում էր Ռուսաստանում, և փաստաբան Իրակլի Բժինավայի, որը, ըստ տելեգրամի ալիքների, ձերբակալվել է Դոնի Ռոստովում փետրվարի 5-ին։
2022 թվականին Եվրամիությունը որոշում է ընդունել չճանաչել Ռուսաստանի կողմից բռնակցված Ուկրաինայի շրջաններում, ինչպես նաև ինքնահռչակ Աբխազիայի և Հարավային Օսիայի Հանրապետություններում տրված ռուսական փաստաթղթերը։
Թարգմանությունը՝ Էմմա Չոբանյանի
