06.02.2026 | 19:34
Ադրբեջանի և Իրանի ՊՆ ղեկավարները տարածաշրջանային անվտանգության հարցեր են քննարկել
Էստոնիան գիշերներն ամբողջությամբ կփակի Ռուսաստանի հետ սահմանը
Քաղաքականություն
06.02.2026 | 18:23
Էստոնիայի իշխանությունները որոշել են գիշերներն ամբողջությամբ փակել Ռուսաստանի հետ սահմանը։ Որոշումն ուժի մեջ կմտնի փետրվարի 24-ին և կգործի երեք ամիս ժամկետով, գրում է Current time-ը:
«Հետագա որոշումները կկայացվեն՝ հիմնվելով անվտանգության կարիքների և սահմանին տիրող իրավիճակի վրա»,- ասել է երկրի վարչապետ Քրիստեն Միխալը։
Որպես որոշման պատճառ նշվել է Ռուսաստանի «ոչ ռացիոնալ» գործողությունները սահմանին։ Էստոնիայի կառավարությունը նշել է, որ անցակետերի գիշերային փակումը թույլ կտա ավելի շատ ռեսուրսներ հատկացնել սահմանային անվտանգությանը, հաղորդում է ERR-ը։
Գիշերը գործող վերջին երկու տրանսպորտային սահմանային անցակետերը՝ Լուհամաան և Կոյդուլան, փետրվարի 24-ին կփակվեն գիշերային երթևեկության համար։ Դրանք ցերեկը բաց կլինեն 12 ժամ։
Էստոնիայի իշխանությունները նաև նշել են, որ 2018 թվականի համեմատ՝ պատժամիջոցների և վիզային սահմանափակումների ֆոնին, ռուս-էստոնական սահմանով սահմանային անցակետերի թիվը նվազել է մոտ հինգ անգամ։ 2025 թվականին գրանցվել է մի փոքր ավելի քան մեկ միլիոն սահմանային անցում։
Սահմանային ամենամեծ՝ Նարվայի անցակետը գիշերները փակ է 2024 թվականի մայիսի 1-ից։
Թարգմանությունը՝ Էմմա Չոբանյանի
