27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Պակիստանում մզկիթում պայթյունի հետևանքով առնվազն 31 մարդ է զոհվել, ավելի քան 100 վիրավոր կա. ՏԵՍԱՆՅՈՒԹ
Քաղաքականություն
06.02.2026 | 16:09
Պակիստանի մայրաքաղաք Իսլամաբադում շիական մզկիթում տեղի ունեցած պայթյունի հետևանքով զոհվել է առնվազն 31 մարդ, վիրավորվել՝ ավելի քան 100-ը, հայտնում են տեղական պաշտոնյաները։ Պայթյունը տեղի է ունեցել Իսլամաբադի հարավ-արևելքում գտնվող Խադիջա Թուլ Կուբրա մզկիթում՝ ուրբաթօրյա աղոթքի ժամանակ, գրում է Al Jazeera-ն։
Իսլամաբադի քաղաքային իշխանության հայտարարության մեջ նշվում է, որ պայթյունի վայր փրկարարական խմբերի ժամանումից հետո 101 մարդ տեղափոխվել է հիվանդանոց։ Պայթյունի պատճառը դեռևս պարզ չէ։
Անցյալ տարվա նոյեմբերին էլ մահապարտ-ահաբեկիչն իրեն պայթեցրել էր Իսլամաբադի շրջանային դատական համալիրի մուտքի մոտ՝ սպանելով առնվազն 12 մարդու և վիրավորելով տասնյակների։
Թարգմանությունը՝ Էմմա Չոբանյանի
