30.09.2026 | 23:29
FlyDubai-ի ինքնաթիռը բարեհաջող վայրէջքի տարած ռուս և ուկրաինացի օդաչուները սրահում եղել են ուղևորի կարգավիճակում
Ադրբեջանը մտահոգված է տարածաշրջանում իրավիճակով․ Ալիևն ընդունել է Իրանի ՊՆ ղեկավարին
Քաղաքականություն
06.02.2026 | 15:28
Ադրբեջանի նախագահ Իլհամ Ալիևն ընդունել է Իրանի պաշտպանության և զինված ուժերի նախարար Ազիզ Նասիրզադեի գլխավորած պատվիրակությանը: Ադրբեջանական լրատվամիջոցների հաղորդմամբ՝ ընդգծելով, որ աշխարհի շատ մասերում ներկայում պատերազմներ և հակամարտություններ են ընթանում, Ալիևն ասել է, որ Հարավային Կովկասում «Ադրբեջանի նախաձեռնությամբ արդեն իսկ խաղաղություն է հաստատվել»՝ վստահություն հայտնելով, որ դա մեծ նշանակություն ունի ինչպես Ադրբեջանի, այնպես էլ Հայաստանին սահմանակից Իրանի համար։
«Մենք խաղաղություն ենք ուզում ամբողջ աշխարհում՝ առանց արյունահեղության և պատերազմի»,- հայտարարել է Ադրբեջանի նախագահը՝ ընդգծելով, թե իր երկրի օրինակը ցույց է տալիս պատերազմից խաղաղության անցման մոդելը։
Ալիևը հավելել է, որ Ադրբեջանը մտահոգված է տարածաշրջանում ստեղծված իրավիճակով և պատրաստ է աջակցություն ցուցաբերել այս լարվածության կարգավորմանը։
Իր հերթին, Ազիզ Նասիրզադեն ասել է, որ Իրանի նախագահ Մասուդ Փեզեշքիանը մեծ գոհունակությամբ է հիշում Ադրբեջան կատարած իր այցելությունները, այդ թվում՝ Ստեփանակերտ (ադրբեջանական տարբերակով Խանքենդի)։
Թարգմանությունը՝ Էմմա Չոբանյանի
