18.08.2026 | 17:41
Հայտնի է «Ուժեղ Հայաստանի»՝ Եվրաինտեգրման հարցերի մշտական հանձնաժողովի նախագահի թեկնածուի անունը
ԱՄՆ-ն իր քաղաքացիներին կոչ անում հեռանալ Իրանից Հայաստան կամ Թուրքիա
Քաղաքականություն
06.02.2026 | 11:16
Իրանում ԱՄՆ վիրտուալ դեսպանատունը կոչ է անում իր քաղաքացիներին լքել Իրանը։ Նշվում է, որ ԱՄՆ քաղաքացիները պետք է ակնկալեն ինտերնետի շարունակական խափանումներ, մշակեն կապի այլընտրանքային միջոցներ և, եթե դա անվտանգ է, դիտարկեն Իրանից ցամաքային ճանապարհով Հայաստան կամ Թուրքիա մեկնելու հնարավորությունը։
«Անհապաղ լքեք Իրանը։ Մշակեք Իրանից հեռանալու ծրագիր, որն անկախ կլինի ԱՄՆ կառավարության օգնությունից։ Չվերթների չեղարկումը և ժամանակացույցի խափանումները հնարավոր են առանց նախնական ծանուցման»,- ասվում է հայտարարության մեջ։
Նշվում է, որ փետրվարի 5-ի դրությամբ՝ Ագարակ/Նորդուզի ցամաքային սահմանը բաց է։ Իրանից Հայաստան մուտք գործող ԱՄՆ քաղաքացիները պետք է ունենան վավերական ԱՄՆ անձնագիր և կարող են մնալ մինչև 180 օր՝ առանց վիզայի։ ԱՄՆ երկքաղաքացիություն ունեցող անձինք, ովքեր ծրագրում են մուտք գործել Հայաստան ամերիկյան, իրանական կամ հայկական անձնագրով, նախնական հաստատման կարիք չունեն։
Իրանի հետ Թուրքիայի ցամաքային սահմանային անցակետերը բաց են (Գյուրբուլակ/Բազարգան, Կափիկյոյ/Ռազի և Էսենդերե/Սերով)։
Հաղորդվում է, որ Ադրբեջանի ցամաքային սահմանները փակ են սովորական երթևեկության համար: ԱՄՆ քաղաքացիները, ովքեր շտապ անհրաժեշտություն ունեն մեկնելու Իրանից, պետք է դիտարկեն մեկնելու այլ հասանելի տարբերակներ:
Թարգմանությունը՝ Էմմա Չոբանյանի
