ՀՀ-ի հետ կապերի համար Բաքվում դատապարտված ադրբեջանցի ակտիվիստը հացադուլ է հայտարարել 

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ազատազրկված ադրբեջանցի հետազոտող, OC Media-ի աշխատակից Բահրուզ Սամադովը հացադուլ է հայտարարել՝ պարտվելով իր՝ թիվ 11 բանտից Ումբակիի խիստ ռեժիմի բանտ տեղափոխումը կասեցնելու վերաբերյալ բողոքարկումը։ Նա նախկինում զգուշացրել էր, որ Ումբակի տեղափոխումը կարող է հանգեցնել իր մահվան՝ «ինչ-որ մեկի ձեռքով»։

Սամեդովը դավաճանության մեղադրանքով դատապարտվել է 15 տարվա ազատազրկման՝ 2025 թվականի հունիսին, նրան մեղադրում են նաև Հայաստանի ծառայություննեդի հետ կապերի մեջ։ Բաքվի վերաքննիչ դատարանը հինգշաբթի մերժել է Սամադովի բողոքարկումն այդ քայլի դեմ։ Ակտիվիստ Ամրահ Թահմազովը սոցիալական ցանցերում հայտարարել է, որ Սամադովի ներկայացրած ոչ մի միջնորդություն չի բավարարվել։

«Վերաքննիչ դատարանն անփոփոխ թողեց որոշումը։ Բահրուզն ուղարկվեց Ումբակիի փակ, խիստ ռեժիմի բանտ»,- գրել է Թահմազովը։

Լսումների ժամանակ Սամադովը «խնդրել է տեսաձայնագրել դատավարությունը, հանրային պաշտպանի աշխատակազմի հարցաքննությունը և փորձաքննություն անցկացնել՝ նրա հոգեբանական վիճակը գնահատելու համար», հավելելով, որ «դատարանը մերժել է այդ միջնորդությունները»։

OC Media-ի հետ զրույցում Սամադովի միակ ազգականը՝ 83-ամյա տատիկը՝ Զիբեյդա Օսմանովան, նշել է, որ Սամադովը նաև տառապում է մաշկային հիվանդությամբ և խնդրել էր տեղափոխվել բանտային հիվանդանոց: Այս խնդրանքը նույնպես մերժվել է:

«Դատավորները միայն լսեցին նրա միջնորդությունները և չհաստատեցին դրանցից ոչ մեկը։ Բահրուզը շատ նյարդային էր. նա կարդաց իր պահանջները, և դատավորները պարզապես արեցին այն, ինչ իրենց ասվել էր»,- ասել էր նա։

Որոշման հրապարակումից հետո Սամադովը հայտարարել է, որ անժամկետ հացադուլ է սկսում։

Սամադովի դատավարությանը ներկա են եղել որոշ օտարերկրյա դեսպանատների ներկայացուցիչներ։ Արդյունքում, նա իր եզրափակիչ ելույթի որոշ հատվածներ ասել է անգլերենով՝ ընդգծելով, որ ավտորիտար ռեժիմները չեն կարող խաղաղություն բերել, միաժամանակ արտահայտելով խաղաղության հույս բոլորի համար։

Հունվարի 31-ին Սամադովը բանտից կոչով դիմել էր ժողովրդավարական պետությունների ղեկավարներին, ժողովրդավարական սկզբունքներին հավատարիմ կուսակցություններին, միջազգային կազմակերպություններին, առաջադեմ մտավորականներին, համալսարաններին, ակադեմիական համայնքներին և Ադրբեջանում հավատարմագրված արևմտյան պետությունների դիվանագիտական ​​կորպուսին։ Նա ընդգծել էր Ումբակի բանտի ծանր պայմանները և նշել, որ ինքը զրկված կլինի իր տատիկի և փաստաբանի հետ շփման հնարավորությունից։

2025 թվականի դեկտեմբերին Բահրուզ Սամադովը ժամանակավորապես տեղափոխվել էր Ումբակիի բանտ, որը գտնվում է Ադրբեջանի մայրաքաղաքից 70 կիլոմետր հեռավորության վրա։ Տեղափոխությունը, ըստ երևույթին, պայմանավորված էր Սամադովի կողմից դատական ​​խախտումների ապացույցներ և տեսագրություններ պահանջելու բազմիցս փորձերով, որից հետո նրան տեղափոխել էին  թիվ 11 ուղղիչ հիմնարկի մենախցիկ։ Կարճ ժամանակ անց բանտի վարչակազմը դատական ​​հայց էր ներկայացրել Սամադովի դեմ՝ պնդելով, որ նա «չի պահպանել հիմնարկի ներքին կարգապահական կանոնները և մեղադրվել այդ կանոնները բազմիցս խախտելու մեջ», և հետագայում պահանջել նրա տեղափոխումը Ումբակի։

Թարգմանությունը՝ Էմմա Չոբանյանի