18.08.2026 | 17:41
Հայտնի է «Ուժեղ Հայաստանի»՝ Եվրաինտեգրման հարցերի մշտական հանձնաժողովի նախագահի թեկնածուի անունը
Վենսը երկուշաբթի կայցելի Հայաստան, իսկ ամսվա վերջին` Ադրբեջան
Քաղաքականություն
05.02.2026 | 19:12
ԱՄՆ փոխնախագահ Ջեյ Դի Վենսը հաջորդ երկուշաբթի՝ փետրվարի 9-ին կայցելի Հայաստան, իսկ այս ամսվա վերջին՝ Ադրբեջան։ Սա վկայում է Վաշինգտոնի կողմից Հարավային Կովկասի նկատմամբ նոր ուշադրության կենտրոնացման մասին, քանի որ այն ձգտում է իրականացնել անցյալ տարի համաձայնեցված խաղաղության շրջանակը, գրում է Euronews-ը։
Ըստ հրապարակման՝ այցն ընդգծում է ԱՄՆ-ի ջանքերը՝ խթանելու առևտուրը, ներդրումները և ենթակառուցվածքները տարածաշրջանում «Թրամփի ճանապարհ միջազգային խաղաղության և բարգավաճման համար» միջանցքի (TRIPP) միջոցով։
Այնուամենայնիվ, վերլուծաբանները կարծում են, որ հաջողությունը կպահանջի ուժեղ կառավարում և սերտ տրանսատլանտյան համակարգում։
Ավելի վաղ հաղորդվել էր, որ Ձմեռային օլիմպիական խաղերի բացման արարողությունից հետո Վենսը կմեկնի Հայաստան և Ադրբեջան՝ ի նշան անցյալ տարի Սպիտակ տան կողմից միջնորդված խաղաղության համաձայնագրի աջակցության։
Թարգմանությունը՝ Էմմա Չոբանյանի
