17.05.2026 | 14:26
Խաբի Ալոնսոն` «Չելսիի» գլխավոր մարզիչ
ՌԴ-ն և Ուկրաինան գերիների են փոխանակել՝ 157-ը 157-ի դիմաց
Քաղաքականություն
05.02.2026 | 16:23
Աբու Դաբիում կայացած բանակցությունների ժամանակ ԱՄՆ-ի, Ուկրաինայի և Ռուսաստանի պատվիրակությունները համաձայնության են եկել 314 գերիների փոխանակման շուրջ, հայտարարել է ԱՄՆ նախագահի հատուկ բանագնաց Սթիվ Ուիթկոֆը, գրում է Meduza-ն։
«Սա հինգ ամսվա ընթացքում առաջին նման փոխանակումն է։ Այս արդյունքին հասել են մանրամասն և արդյունավետ խաղաղության բանակցությունների միջոցով։ Չնայած դեռ շատ աշխատանք կա անելու, նման քայլերը ցույց են տալիս, որ շարունակական դիվանագիտական ներգրավվածությունը տալիս է շոշափելի արդյունքներ և առաջ է մղում Ուկրաինայում պատերազմը դադարեցնելու ջանքերը»,- գրել է Ուիթկոֆը X-ի միկրոբլոգում։
Նա հավելել է, որ բանակցությունները կշարունակվեն, և «առաջիկա շաբաթներին սպասվում է հետագա առաջընթաց»։
Միաժամանակ, ՌԴ Պաշտպանության նախարարությունը հայտնել է, որ փետրվարի 5-ին Մոսկվան ու Կիևը գերիների փոխանակում են իրականացրել։ Ռուսաստան է վերադարձվել 157 ռազմագերի, իսկ Ուկրաինայի զինված ուժերի 157 զինծառայողներ փոխանցվել է Կիևին։
Բացի այդ, Ուկրաինայից վերադարձել են Կուրսկի մարզի երեք բնակիչներ։
Թարգմանությունը՝ Էմմա Չոբանյանի
