06.10.2026 | 19:00
Իրանը կխոչընդոտի «Թրամփի ուղուն», եթե ԱՄՆ-ն պարտադրի ՀՀ-ին՝ միանալ Թեհրանի դեմ պատժամիջոցներին. Արմեն Պետրոսյան․ ՏԵՍԱՆՅՈՒԹ
15-18 տարի ժամկետով ազատազրկումներ․ Բաքվում հրապարակվել են մյուս հայ գերիների դատավճիռները
Քաղաքականություն
05.02.2026 | 16:08
Բաքվի զինվորական դատարանը հրապարակել է մյուս հայ գերիների դատավճիռները։ Ադրբեջանական լրատվամիջոցների հաղորդմամբ՝ Գարիկ Մարտիրոսյանը դատապարտվել է 18 տարի ժամկետով ազատազրկման, Դավիթ Ալլահվերդյանը՝ 16, Լևոն Բալայանը՝ 16, Վասիլ Բեգլարյանը՝ 15, Գուրգեն Ստեփանյանը՝ 15, Էրիկ Ղազարյանը՝ 15 տարվա ազատազրկման։
Այսօր ավելի վաղ հրապարակված դատավճիռների համաձայն՝ Արցախի նախկին նախագահ Արայիկ Հարությունյանը, ԱԺ նախագահ Դավիթ Իշխանյանը, նախկին ԱԳ նախարար Դավիթ Բաբայանը, Արցախի Պաշտպանության բանակի նախկին հրամանատար Լևոն Մնացականյանը, ՊԲ հրամանատարի նախկին տեղակալ Դավիթ Մանուկյանը դատապարտվել են ցմահ ազատազրկման, Արցախի նախկին նախագահներ Բակո Սահակյանն ու Արկադի Ղուկասյանը՝ 20 տարի ժամկետով ազատազրկման։
Մյուս գերիներից Մադաթ Բաբայանն ու Մելիքսեթ Փաշայանը՝ 19 տարի ժամկետով ազատազրկման։
Թարգմանությունը՝ Էմմա Չոբանյանի
