10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
Մադաթ Բաբայանին և Մելիքսեթ Փաշայանին Բաքուն 19 տարվա ազատազրկման է դատապարտել
Քաղաքականություն
05.02.2026 | 14:25
Բաքվի ռազմական դատարանում շարունակվում է Արցախի ղեկավարների և հայ գերիների դատավճիռների հրապարակումը։
Նշվում է, որ չնայած հայ գերի Մադաթ Բաբայանը մեղադրվել է ցմահ ազատազրկմամբ պատժվող հանցագործություններ կատարելու համար, և որ, իբր, այդ մեղադրանքներն ապացուցվել են դատական քննության ընթացքում, նա չի կարող դատապարտվել ցմահ ազատազրկման՝ համաձայն Ադրբեջանի Հանրապետության քրեական օրենսգրքի պահանջների, քանի որ դատավճռի կայացման պահին լրացել է նրա 65 տարին։
Դատավճռի համաձայն՝ Մադաթ Բաբայանը վերջնականապես դատապարտվել է 19 տարվա ազատազրկման։
Նշենք, որ պետական մեղադրանքը պաշտպանող դատախազները առաջարկել էին Բաբայանին դատապարտել 20 տարվա ազատազրկման։
Արցախի նկատմամբ 2023 թվականի սեպտեմբերի 19-ի ագրեսիայից հետո Գետավան գյուղից էր Բաբայանը գերեվարվել։
Հայ գերիներից Մելիքսեթ Փաշայանը նույնպես, նույն հիմնավորմամբ, դատապարտվել է 19 տարվա ազատազրկման։
Թարգմանությունը՝ Էմմա Չոբանյանի
