27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
ՌԴ-ն երկու «Իսկանդեր» հրթիռով և 183 ԱԹՍ-ով հարվածել է Ուկրաինային. Կիևում վիրավորներ կան
Քաղաքականություն
05.02.2026 | 15:50
Ռուսական զորքերը փետրվարի լույս 5-ի գիշերը հարվածել են Ուկրաինային երկու «Իսկանդեր-Մ» բալիստիկ հրթիռներով և 183 անօդաչու թռչող սարքերով, չեզոքացվել է դրանցից 156-ը, հայտնել են Ուկրաինայի ռազմաօդային ուժերը, գրում է Current time-ը։
«Բալիստիկ հրթիռներով և 22 հարվածային անօդաչուներով խոցումներ են գրանցվել 16 վայրերում, ինչպես նաև խոցված անօդաչու թռչող սարքերի անկումներ յոթ վայրերում»,- ասվում է հայտարարության մեջ։
Կիևի Սոլոմենսկի շրջանում ռուսական հարձակման հետևանքով երկու կին վիրավորվել է։ Ոստիկանության տվյալներով՝ կոտրվել են չորս բազմահարկ շենքերի պատուհանները։ Քաղաքապետ Վիտալի Կլիչկոն հայտնել է, որ կոտրվել են երկու տների պատուհանները, վնասվել են շենքերի ճակատային մասերը և մեքենաները։ Անօդաչու թռչող սարքի բեկորները նաև ընկել են առևտրի կենտրոնի մոտ։
Շևչենկովսկի շրջանում անօդաչուի բեկորներն ընկել են չորս հարկանի գրասենյակային շենքի տանիքին, իսկ Օբոլոնսկի շրջանում՝ կայանատեղիում՝ մեքենաների հրդեհման պատճառ դառնալով։
Դնեպրոպետրովսկի մարզային ռազմական վարչակազմի ղեկավար Ալեքսանդր Գանժան հայտնել էԿրիվոյ Ռոգի շրջանում հարձակման մասին: Ոչ ոք չի տուժել: Պավլոգրադի շրջանում վնասվել է գիմնազիա:
Փետրվարի 4-ի երեկոյան Զապորոժիեի տարածաշրջանային ռազմական վարչակազմի ղեկավար Իվան Ֆյոդորովը հայտնել է, որ ռուսական ռազմական ուժերն ամբողջ օրը հարվածներ են հասցրել Զապորոժիեին և հարակից շրջանին: Հարձակումների հետևանքով Զապորոժիեի և Զապորոժիեի մարզի 53,000 բաժանորդ մնացել է առանց էլեկտրաէներգիայի, սակայն առավոտյան այն վերականգնվել է ավելի քան 50,000 բաժանորդի համար:
Ըստ Ֆյոդորովի՝ Զապորոժիեի ջեռուցումն ամբողջությամբ ապահովվում է: Հարձակման պատճառով անջատված մի քանի կաթսայատներ աշխատում են պահեստային էլեկտրաէներգիայով:
Թարգմանությունը՝ Էմմա Չոբանյանի
