02.07.2026 | 20:24
ՔՊ խմբակցության ղեկավարի թեկնածու է ընտրվել Արուսյակ Մանավազյանը. Նիկոլ Փաշինյան. ՏԵՍԱՆՅՈՒԹ
ՌԴ-ի հետ պատերազմում 55,000 ուկրաինացի զինվոր է զոհվել. Զելենսկի
Քաղաքականություն
05.02.2026 | 11:26
Ռուսական լայնածավալ ներխուժումը սկսվելուց ի վեր 55,000 ուկրաինացի զինվոր է զոհվել։ Այս մասին հայտարարել է Ուկրաինայի նախագահ Վլադիմիր Զելենսկին, գրում է ՌԲԿ-Ուկրաինան։
«Ուկրաինայում մարտադաշտում զոհերի պաշտոնական թիվը՝ թե՛ կադրային զինվորների, թե՛ մոբիլիզացվածների, կազմում է 55,000»,- ասել է Ուկրաինայի ղեկավարը։
Նա նաև նշել է, որ կան «մեծ թվով մարդիկ, որոնց Ուկրաինան համարում է անհետ կորած»։
Ըստ Զելենսկիի՝ հաստատվել է 46,000 ուկրաինացի զինծառայողի մահը։ Տասնյակ հազարավոր զինվորներ անհետ կորած են մարտերում կամ գերության մեջ, ուստի զոհերի վերջնական թիվը կարող է ավելին լինել։ Վիրավոր զինծառայողների թիվը 350,000 է։
Ուկրաինայի նախագահը նաև նշել է, որ քաղաքացիական բնակչության շրջանում զոհերի ճշգրիտ թիվը մնում է անհայտ, քանի որ Կիևը մուտք չունի օկուպացված տարածքներ։
Թարգմանությունը՝ Էմմա Չոբանյանի
