09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Իսրայելն ու Ադրբեջանը արհեստական բանականության ոլորտում համագործակցության հուշագիր են ստորագրել
Քաղաքականություն
04.02.2026 | 13:07
Երուսաղեմում Իսրայելի և Ադրբեջանի միջև արհեստական բանականության ոլորտում համագործակցության փոխըմբռնման հուշագիր է ստորագրվել։ Այս մասին հայտնում է Իսրայելի վարչապետ Բենիամին Նեթանյահուի գրասենյակը։ Ադրբեջանական լրատվամիջոցների հաղորդմամբ՝ փաստաթուղթը Երուսաղեմում ստորագրել են Իսրայելի արհեստական բանականության ազգային վարչության ղեկավար, գեներալ Էրեզ Էսկելն ու Ադրբեջանի թվային զարգացման և տրանսպորտի նախարար Ռաշադ Նաբիևը՝ Իսրայելի վարչապետ Բենիամին Նեթանյահուի մասնակցությամբ։
Կողմերը ծրագրում են խորացնել համագործակցությունն ու դաշնակցային հարաբերությունները՝ օգտագործելով արհեստական բանականությունը։ Գործընկերությունը կներառի գերհամակարգչային ենթակառուցվածքներ, արհեստական բանականության կիրառումը քաղաքացիական կարևոր ոլորտներում, մարդկային կապիտալի զարգացում և համատեղ գիտական հետազոտությունների անցկացում։
«Արհեստական բանականությունն ապագայի գործիք չէ, այլ ներկայի։ Մենք պետք է ապահովենք, որ այս ոլորտում առաջատար երկրների շարքում ենք, և ես հավատում եմ, որ միասին կարող ենք շատ ավելիին և ավելի լավ արդյունքների հասնել»,- ասել է Իսրայելի վարչապետը։
Միաժամանակ, Բաքվում Իսրայելի դեսպանատունը հաղորդում է, որ Նեթանյահուն հրավիրել է Ադրբեջանի նախագահ Իլհամ Ալիևին այցելել Իսրայել։
Թարգմանությունը՝ Էմմա Չոբանյանի
