18.08.2026 | 19:29
Երևանում, Արարատյան դաշտում ու 3 մարզում սպասվում է բարձր կարգի հրդեհավտանգ իրավիճակ
Լեհաստանի ՊՆ աշխատակից է ձերբակալվել ՌԴ-ի և Բելառուսի հետախուզության համար աշխատելու կասկածանքով
Քաղաքականություն
03.02.2026 | 20:43
Լեհաստանի Պաշտպանության նախարարությունը հայտարարել է իր աշխատակցի ձերբակալության մասին՝ օտարերկրյա հետախուզության համար աշխատելու կասկածանքով: Հայտարարության համաձայն՝ գործը քննում է ռազմական հակահետախուզությունը, գրում է The Insider-ը։
Պաշտպանության նախարարության հայտարարության մեջ չի նշվում կասկածյալի անունը կամ երկիրը, որի համար նա, ենթադրաբար, լրտեսել է: Սակայն Onet-ը, հղում անելով իր սեփական աղբյուրներին, հաղորդում է, որ ձերբակալվածը 60 տարեկան է և 1990-ական թվականներից ի վեր աշխատում է ՊՆ-ում: Ըստ աղբյուրի՝ նա կասկածվում է Ռուսաստանի և Բելառուսի հետախուզական գործակալությունների հետ համագործակցելու մեջ։ Ենթադրյալ լրտեսն աշխատում է ռազմավարության և պլանավորման վարչությունում։
Հետաքննության շրջանակում խուզարկություններ են անցկացվել կասկածյալի աշխատավայրում և տանը։
«Մենք գիտենք, որ այս անձն անմիջական կապեր և հանդիպումներ է ունեցել Արևելյան հետախուզական ծառայությունների ներկայացուցիչներ համարվող անձանց հետ»,- Onet-ին ասել է աղբյուրը։
«Անվտանգության ծառայությունները ամիսներ շարունակ հետևել են այս անձի գործունեությանը։ Նրա գործողությունները մանրակրկիտ փաստաթղթավորվել և վերլուծվել են։ Հետևաբար, նրա դեմ հավաքված ապացույցները շատ համոզիչ են։ Սա նրանց (անվտանգության ծառայությունների) ամենամեծ հաջողություններից մեկն է»,- ասել է մեկ այլ աղբյուր։
Թարգմանությունը՝ Էմմա Չոբանյանի
