28.10.2026 | 17:29
Դիմել ենք 3-րդ երկրների, չի ստացվում․ Միրզոյանը՝ Բաքվում պահվող հայ գերիների հարցով միջնորդելու մասին․ ՏԵՍԱՆՅՈՒԹ
Փարիզի դատախազությունը խուզարկում է Իլոն Մասկի X-ի ֆրանսիական գրասենյակը
Քաղաքականություն
03.02.2026 | 15:09
Փարիզի դատախազությունը հայտարարել է, որ ամերիկացի գործարար Իլոն Մասկի X սոցիալական ցանցի ֆրանսիական գրասենյակում խուզարկություն է իրականացվում 2025 թվականի հունվարին սկսված հետաքննության շրջանակում, գրում է France 24-ը։
X-ում գրառման մեջ նշվում է, որ խուզարկությունները կատարում է Դատախազության կիբերհանցագործությունների դեմ պայքարի ստորաբաժանումը՝ Եվրոպոլի մասնակցությամբ և Ֆրանսիայի ոստիկանության կիբերհանցագործությունների դեմ պայքարի ստորաբաժանման աջակցությամբ։ X-ից անմիջապես մեկնաբանություն չի եղել։
Փարիզի դատախազությունը հայտարարել է, որ հետաքննությունը սկսվել է այն բանից հետո, երբ իրենց հետ կապ է հաստատել մի օրենսդիր՝ պնդելով, թե X-ում առկա կողմնակալ ալգորիթմները, հավանաբար, խեղաթյուրել են ավտոմատացված տվյալների մշակման համակարգի գործունեությունը։ Փարիզի դատախազներն ապրիլին հարցաքննության էին կանչել Մասկին և ընկերության նախկին գործադիր տնօրեն Լինդա Յակարինոյին։
Փարիզի դատախազությունը նաև հայտարարել է, որ լքում է X սոցիալական հարթակը և այսուհետ կհաղորդակցվի LinkedIn-ում և Instagram-ում։ LinkedIn-ը պատկանում է Microsoft-ին, իսկ Instagram-ը՝ Meta-ին։
Թարգմանությունը՝ Էմմա Չոբանյանի
