ՌԴ-ն Ուկրաինայի վրա հարձակվել է ավելի քան 70 հրթիռներով և 450 ԱԹՍ-ներով. Զելենսկի 

Կրկին թիրախային հարված է հասցվել հատկապես էներգետիկ օբյեկտներին. ռուսներն օգտագործել են զգալի քանակությամբ բալիստիկ հրթիռներ՝ այլ հրթիռների հետ համատեղ՝ ավելի քան 70, և 450 հարձակողական անօդաչու թռչող սարքեր։ Գիշերվա ռուսական հարձակումն այսպես է Ուկրաինայի նախագահ Վլադիմիր Զելենսկին, գրում է BBC-ի ռուսական ծառայությունը։

«Ռուսաստանի համար ավելի կարևոր է ցուրտ ձմեռային օրերից օգտվել՝ մարդկանց ահաբեկելու համար, քան դիվանագիտություն կիրառել»,- հավելել է նա։

Զելենսկին դաշնակիցներին և գործընկերներին կոչ է արել պահպանել Ռուսաստանի վրա առավելագույն ճնշումը, քանի որ Մոսկվան, նրա խոսքով, «ընտրում է ահաբեկչությունը և լարվածության սրումը»։

Երեքշաբթի գիշերը ռուսական զորքերն անօդաչու թռչող սարքեր և հրթիռներ են օգտագործել մայրաքաղաք Կիևի, Կիևի, Խարկովի, Օդեսայի, Դնեպրոպետրովսկի, Սումիի, Վիննիցայի մարզերի և այլ շրջանների բնակելի և էներգետիկ ենթակառուցվածքների վրա հարձակվելու համար։ Ուկրաինայի ռազմաօդային ուժերը հայտնել են, որ Ռուսաստանը գիշերային զանգվածային հարձակման ժամանակ օգտագործել է 521 օդային հարձակման միջոցներ, այդ թվում՝ չորս «Ցիրկոն/Օնիքս» հրթիռ, 32 «Իսկանդեր-Մ/Ս-300» բալիստիկ հրթիռ, յոթ Х-22/Х-32» թևավոր հրթիռ և 28 «Х-101/Իսկանդեր-Կ» թևավոր հրթիռ, ինչպես նաև 450 անօդաչու թռչող սարք։

Զեկույցում նշվում է, որ խոցվել/ճնշվել է 450 թիրախ՝ 38 հրթիռ և 412 անօդաչու թռչող սարք։ Զինվորականները հայտնել են, որ 27 վայրերում գրանցվել են 27 հրթիռների և 31 հարվածային անօդաչունսարքերի հարվածներ։

Ռուսաստանի պաշտպանության նախարարությունը հաստատել է Ուկրաինայի էներգետիկ ոլորտի վրա զանգվածային հարձակման փաստը։ Ռուսաստանի զինված ուժերը զանգվածային հրթիռային և անօդաչու թռչող սարքերով հարված են հասցրել Ուկրաինայի ռազմաարդյունաբերական համալիրի օբյեկտներին և «իրենց շահերից ելնելով օգտագործվող էներգետիկ օբյեկտներին», հայտարարել է ռուսական ռազմական գերատեսչությունը։

Նշվում է, թե հարվածն իրականացվել է՝ «ի պատասխան Ուկրաինայի կողմից Ռուսաստանում քաղաքացիական օբյեկտների վրա հարձակումների»։