14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
Մեր ընկալումն այնպիսին է, որ երկաթուղին ՌԴ-ի միջոցներով ենք վերականգնելու․ Դավիթ Խուդաթյան․ ՏԵՍԱՆՅՈՒԹ
Տնտեսություն
03.02.2026 | 13:02
Երևանն ու Մոսկվան շարունակում են բանակցությունները Հայաստանի երկաթգծի Իջևանի և Ախուրիկի հատվածները կառուցելու համար, որոնցով հնարավոր կլինի կապ հաստատել Ադրբեջանի և Թուրքիայի հետ։ Այս մասին հայտնել է ՀՀ Տարածքային կառավարման և ենթակառուցվածքների նախարար Դավիթ Խուդաթյանը՝ պատասխանելով Factor TV-ի հարցին՝ արդյո՞ք ՌԴ-ն ստանձնել է պարտավորություն կոնցեսիոն պայմանագրի շրջանակներում վերականգնել երկաթուղին։
«Մենք շարունակում ենք բանակցությունները ռուսական կողմի հետ, և մեր ընկալումն այնպիսին է, որ ձեր նշած հատվածների մասով իրենց հետ համատեղ ենք իրականացնելու աշխատանքը, այսինքն՝ իրենց միջոցով»,– ասաց Խուդաթյանը։
Հիշեցնենք՝ հունվարի 15-ին Նիկոլ Փաշինյանը հայտարարեց, որ ՀՀ կառավարությունն ակնկալում է, որ Ռուսաստանը սեղմ ժամկետում կարձագանքի երկաթուղու՝ դեպի Ադրբեջան և Թուրքիա մի քանի հատվածների շտապ վերականգնման հարցին։
Դեկտեմբերի 22-ին Սանկտ Պետերբուրգում նա այդ հարցը քննարկել էր ՌԴ նախագահ Վլադիմիր Պուտինի հետ, Պուտինը հստակ պատասխան չէր տվել։
