18.08.2026 | 20:28
ՌԴ ԿԸՀ նախագահը հայտարարել է, որ «երկիրը լքած և դավաճանած» ռուսները պետք է զրկվեն ընտրություններում քվեարկելու իրավունքից
Ադրբեջանն ու ԱՄԷ-ն պաշտպանության և էներգետիկայի ոլորտներում համագործակցության փաստաթղթեր են ստորագրել
Քաղաքականություն
03.02.2026 | 20:22
Աբու Դաբիում Ադրբեջանի նախագահ Իլհամ Ալիևի և ԱՄԷ նախագահ Մոհամմեդ բին Զայեդ Ալ Նահյանի հանդիպմանը նշվել է, որ Ադրբեջանի և ԱՄԷ-ի երկկողմ հարաբերությունները հիմնված են ռազմավարական գործընկերության վրա։ Ըստ Ադրբեջանի ղեկավարի պաշտոնական կայքի՝ զրույցի ընթացքում կողմերը գոհունակություն են հայտնել քաղաքական, տնտեսական, էներգետիկ, մշակութային, հումանիտար և այլ ոլորտներում համագործակցության զարգացման կապակցությամբ: Ընդգծվել է նախագահների միջև փոխադարձ այցելությունների և հանդիպումների կարևորությունը կապերի ընդլայնման համար։
Հանդիպման ընթացքում ընդգծվել է նաև Աբու Դաբիում Ադրբեջանի և ԱՄԷ զինված ուժերի մասնակցությամբ անցկացվող «Խաղաղության վահան 2026» համատեղ օպերատիվ-մարտավարական զորավարժությունների կարևորությունը:
Պետությունների ղեկավարները մտքեր են փոխանակել հարաբերությունների հեռանկարների և ապագա շփումների վերաբերյալ։
Միաժամանակ, Ադրբեջանի և ԱՄԷ-ի նախագահների մասնակցությամբ ստորագրվել է փաստաթուղթ՝ կապված Ադրբեջանի Էկոնոմիկայի նախարարության «Հարավային գազային միջանցք»-ում չվերահսկող բաժնեմասի որոշակի մասի Աբու Դաբիի ազգային նավթային ընկերության ներդրումային ստորաբաժանում XRG-ին վաճառելու հետ։
Բացի այդ, Ադրբեջանի պաշտպանության նախարարության և ԱՄԷ պաշտպանության նախարարության միջև ստորագրվել է պաշտպանական համագործակցության համաձայնագրի մտադրության մասին նամակ։
Երկու երկրների նախագահները վստահություն են հայտնել, որ այս փաստաթղթերը խթան կհաղորդեն երկու երկրների միջև հարաբերությունների հետագա զարգացմանը։ Զրույցի ընթացքում քննարկվել է նաև Բաքվի և Աբու Դաբիի միջև քույր քաղաքների հարաբերությունների հաստատումը։
Թարգմանությունը՝ Էմմա Չոբանյանի
