03.08.2026 | 13:56
Մարոկկոյում նշել են իսպանական Սեուտա միգրանտների զանգվածային ներխուժման պատճառը
Ադրբեջանն իր 4 քաղաքացիների է կալանավորել ռուս-ուկրաինական պատերազմին մասնակցելու համար
Քաղաքականություն
03.02.2026 | 13:30
Ադրբեջանի Պետական անվտանգության ծառայությունը (ՊԱԾ) քննչական գործողություններ է անցկացնում՝ բացահայտելու և քրեական հետապնդում իրականացնելու այն քաղաքացիների նկատմամբ, որոնք մասնակցել են երկրի սահմաններից դուրս ռազմական հակամարտություններին՝ որպես Ադրբեջանի Հանրապետության օրենսդրությամբ չնախատեսված զինված խմբավորումների մաս։ Այս մասին ասվում է Ադրբեջանի ՊԱԾ հաղորդագրության մեջ։
Ըստ տեղեկությունների՝ վերջին ժամանակահատվածում զզալի թվով Ադրբեջանի քաղաքացիներ մասնակցել են Ռուսաստանի և Ուկրաինայի միջև ընթացող ռազմական գործողություններին, որի արդյունքում գրանցվել են բազմաթիվ մահեր, անհետ կորածներ կամ վիրավորներ, ինչպես նաև գերեվարումներ։
Հետաքննության ընթացքում ապացուցվել է, որ Ադրբեջանի քաղաքացիներ՝ 1991 թվականին ծնված Ռեալ Նաբիևը, 1993 թվականին ծնված Ֆարիս Հուսեյնովը, 1994 թվականին ծնված Ալի Մամեդովը և Մուրով Միրհաշիմլին Ռուսաստանի և Ուկրաինայի զինված կազմավորումների վերահսկողության տակ մասնակցել են ռազմական գործողությունների։ Նշված անձինք ձերբակալվել, ապա կալանավորվել են։
Նշվում է, որ նման զինված հակամարտություններին մասնակցելն Ադրբեջանում ենթադրում է քրեական պատասխանատվություն, և այսուհետ օտարերկրյա պետությունների տարածքում նման հանցավոր գործողություններ կատարող անձանց պատասխանատվության հարցերը կապահովվեն օրենքին համապատասխան։
Թարգմանությունը՝ Էմմա Չոբանյանի
