14.05.2026 | 14:00
Լատվիայի վարչապետը հրաժարական է տվել՝ երկրի օդային տարածքում ԱԹՍ-ների հետ կապված ճգնաժամի ֆոնին
ԱՄՆ սպառնալիքների ֆոնին՝ Հնդկաստանի բյուջեում գումար չի հատկացվել Իրանի «Չաբահար» նավահանգստի նախագծի համար
Քաղաքականություն
02.02.2026 | 14:29
Հնդկաստանի կառավարությունը որևէ միջոց չի հատկացրել Իրանի «Չաբահար» նավահանգստի համար՝ Իսլամական Հանրապետության հետ կապված ԱՄՆ սպառնալիքների ֆոնին։ Hindustan Times-ը գրում է, որ ԱՄՆ-ի կողմից Իրանի նկատմամբ սահմանված պատժամիջոցները ազդում են Հնդկաստանի «Չաբահար» նախագծի վրա՝ չնայած դրա համար տրված ժամանակավոր արտոնությանը մինչև 2026 թվականի ապրիլը։
Այս պահին Հնդկաստանը պաշտոնապես չի դուրս եկել «Չաբահար» նախագծից, սակայն ֆինանսավորման դադարեցումը տեղի է ունեցել նաև ԱՄՆ-ի խստացված պատժամիջոցների և Հնդկաստանի նկատմամբ կիրառվող մեծ մաքսատուրքերի ֆոնին։ ԱՄՆ նախագահ Դոնալդ Թրամփը հայտարարել է, որ Հնդկաստանի նկատմամբ սահմանված 50% մաքսատուրքերի կեսն արդեն իսկ նախատեսված է Ռուսաստանի հետ նավթի առևտրի համար՝ Ուկրաինայի պատերազմի ֆոնին։ ԱՄՆ նախագահը ցանկանում է, որ Հնդկաստանը կրճատի նաև Իրանի հետ առևտուրը։
PTI-ի հաղորդմամբ՝ Հնդկաստանը քննարկում է նախագծի հետ կապված տարբերակներ, այն բանից հետո, երբ Թրամփի վարչակազմը սպառնացել է Թեհրանի հետ գործարքներ կնքող երկրների համար 25% լրացուցիչ մաքսատուրք սահմանել։
Հաղորդվում էր, որ Հնդկաստանն ամբողջությամբ դուրս է եկել նախագծից և իր 120 միլիոն դոլար ամբողջական գումարը փոխանցել է իրանական կողմին, իսկ վերջին մասնաբաժինը նախատեսված է 2025 թվականի օգոստոսին։ Հնդկաստանը չի հաստատել դա և, ըստ որոշ տեղեկությունների, նախագիծը կառավարում է տեղի իրանցի աշխատակիցների միջոցով՝ ԱՄՆ կանոնների խախտումից խուսափելու համար, հաղորդում է Reuters-ը։
Նավահանգստի շահագործման 2024 թվականի 10-ամյա պայմանագիրը Հնդկաստանի համար ռազմավարական, թեև սահմանափակ ներդրում է։
Չաբահարի Շահիդ Բեհեշթի տերմինալի վերաբերյալ Հնդկաստանի և Իրանի միջև երկարաժամկետ համաձայնագիրը ստորագրվել է 2024 թվականի մայիսի 13-ին: Այս պայմանագիրը, որը Թեհրանում ստորագրվել է India Ports Global Limited (IPGL) և Իրանի նավահանգիստների և ծովային կազմակերպության (PMO) կողմից, փոխարինել է նախկինում կնքված, կարճաժամկետ համաձայնագրերով։
Իրավիճակը բարդացել է, քանի որ ԱՄՆ-ն սեպտեմբերին Իրանի նկատմամբ կիրառեց ծանր տնտեսական պատժամիջոցներ, չնայած Հնդկաստանին շնորհել է վեցամսյա ազատում, որը լրանում է ապրիլին։
Թարգմանությունը՝ Էմմա Չոբանյանի
