Քաղաքականություն
02.02.2026 | 11:25
ՌԴ Բելգորոդի մարզի Ստարի Օսկոլ քաղաքում ուկրաինական անօդաչու թռչող սարքերի հարձակման հետևանքով երկու մարդ է զոհվել, հայտնել է նահանգապետ Վյաչեսլավ Գլադկովը, գրում է Meduza-ն։
Նրա տեղեկացմամբ՝ ԱԹՍ-ի հարվածի հետևանքով մասնավոր տուն է հրդեհվել, որը մասամբ փլուզվել է հրդեհի հետևանքով։ Փլատակների մեջ հայտնաբերվել է երկու մարդու մարմին։
Գլադկովը հավելել է, որ մեկ այլ անօդաչու թռչող սարք, որը պայթել է, կոտրել է երեք բազմաբնակարան շենքերի տասից ավելի բնակարանների պատուհանները։
Ռուսաստանի պաշտպանության նախարարությունը հայտարարել է, որ Բելգորոդի, Ռոստովի, Աստրախանի, Բրյանսկի և Կուրսկի մարզերում, ինչպես նաև Կրասնոդարի երկրամասում, գիշերը ուկրաինական 31 անօդաչու թռչող սարք է խոցել։
Թարգմանությունը՝ Էմմա Չոբանյանի
