Չեխիայում նախագահին աջակցող բազմահազարանոց հանրահավաք է անցկացվել՝ երկրի վարչապետի հետ կոնֆլիկտի ֆոնին

Չեխիայի նախագահ Պետր Պավելի աջակցության զանգվածային հանրահավաք է տեղի ունեցել մայրաքաղաք Պրահայում։ Չեխական Idnes լրատվական պորտալի տվյալներով՝ տասնյակ հազարավոր մարդիկ դուրս եկել փողոցներ՝ արձագանքելով «Միլիոն պահ ժողովրդավարության համար» քաղաքացիական նախաձեռնության կոչին, գրում է DW-ի ռուսական ծառայությունը։

Մասնակիցները հավաքվել են Հին քաղաքի և Վացլավի հրապարակներում։ Կազմակերպիչների գնահատմամբ՝ հանրահավաքին 80,000-ից 90,000 մարդ է մասնակցել։

Միաժամանակ, ակտիվիստները հայտարարել են նախագահին աջակցելու համար մեկ միլիոն ստորագրություն հավաքելու մասին՝ ավելի մեծ հանրահավաք անցկացնելու մտադրությամբ:

Բողոքի ցույցերը սկսվել են Պետր Պավելի և միլիարդատեր Անդրեյ Բաբիշի գլխավորած նոր աջակողմյան պոպուլիստական ​​կառավարության միջև սրվող կոնֆլիկտի պատճառով։ Այն բռնկվել է, երբ նախագահը հրաժարվել է «Վարորդներն իրենց համար» կուսակցության պատվավոր նախագահ Ֆիլիպ Տուրեկին նշանակել շրջակա միջավայրի նախարար։ Պավելն իր որոշումը բացատրել է՝ մեջբերելով Տուրեկի նախկին հայտարարությունները, որոնք նա համարել է անհամատեղելի ժողովրդավարական պետության նախարարի պաշտոնի հետ։

Նախագահը նաև հրապարակավ մեղադրել է Տուրեկի կուսակից, արտաքին գործերի նախարար Պետր Մացինկային՝ նշանակման հարցում իր վրա ճնշում գործադրելու և փաստացի շանտաժի ենթարկելու փորձերի մեջ: Ընդդիմադիր եվրոպամետ կուսակցությունների ներկայացուցիչներն աջակցություն են  հայտնել Պավելին:

Թարգմանությունը՝ Էմմա Չոբանյանի