27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Կիևում հազար բնակելի տուն մնում է առանց ջեռուցման․ քաղաքում -16 աստիճան է
Քաղաքականություն
01.02.2026 | 11:58
Կիևի քաղաքապետ Վիտալի Կլիչկոն փետրվարի 1-ին հայտնել է, որ քաղաքում մասնակիորեն վերականգնվել է բազմաբնակարան շենքերի ջեռուցումը, որը դադարեցվել էր Ուկրաինայի էներգահամակարգում առաջացած վթարային իրավիճակի հետևանքով։
Տների ջերմամատակարարումը վերականգնվել է վերջին երկու օրերի ընթացքում։ Հունվարի 31-ի ժամը 18:29-ի դրությամբ առանց ջեռուցման էին մնում 3419 բնակելի տուն, ժամը 22:35-ին՝ մոտ 2600, իսկ փետրվարի 1-ի առավոտյան ժամը 8:41-ին՝ մոտ մեկ հազար տուն։
«Կոմունալ ծառայություններն ու էներգետիկները շարունակում են աշխատանքը, որպեսզի կիևցիների բնակարաններ վերադարձնեն ջերմությունը», — հայտարարել է Կլիչկոն։
Փետրվարի 1-ի եղանակի կանխատեսման համաձայն՝ առավոտյան ժամը 9:00-ին Կիևում գրանցվել է −16 աստիճան սառնամանիք։ Օրվա ընթացքում սպասվում է, որ ջերմաստիճանը կբարձրանա մինչև −13 աստիճան, իսկ գիշերը կնվազի մինչև −20։
Ուկրաինայում հունվարի 31-ին համակարգային վթարի հետևանքով գրեթե բոլոր մարզերում տեղի է ունեցել էլեկտրաէներգիայի անջատում։ Երեկոյան ժամերին էլեկտրամատակարարումը վերականգնվել է։
Ուկրաինայի էներգահամակարգը ՌԴ Զինված ուժերի հարվածների հիմնական թիրախներից մեկն է։ Հունվարին ռուսական հարվածների պատճառով Ուկրաինայի քաղաքները մնացել էին առանց լույսի և ջեռուցման։ ԱՄՆ-ի խնդրանքով Ռուսաստանը համաձայնել էր մինչև փետրվարի 1-ը սառնամանիքների պատճառով հարվածներ չհասցնել Կիևին և Ուկրաինայի այլ քաղաքներին։
