19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Կրեմլն արձագանքել է Զելենսկիի՝ Պուտինին Կիև այցի հրավերին
Քաղաքականություն
30.01.2026 | 16:20
Կրեմլի խոսնակ Դմիտրի Պեսկովը հայտարարել է, որ ՌԴ նախագահ Վլադիմիր Պուտինի հետ հանդիպման նախաձեռնությունը եղել է Ուկրաինայի նախագահ Վլադիմիր Զելենսկիի կողմից, և Ռուսաստանի առաջնորդը պարզապես պատասխանել է Մոսկվայում հանդիպելու առաջարկով, գրում է Ինտերֆաքսը։
«Այստեղ կհիշեցնեի ձեզ, որ Պուտինն իր նախաձեռնությամբ Զելենսկիին ոչ մի տեղ չի հրավիրել կամ որևէ հանդիպում չի առաջարկել։ Զելենսկին է խնդրել հանդիպումը։ Եվ Զելենսկին, ըստ էության, նախաձեռնել է հանդիպումը։ Ի պատասխան՝ նախագահ Պուտինը նրան ասել է, որ այո՛, մենք պատրաստ ենք, բայց միայն Մոսկվայում։ Շատ կարևոր է հիշել սա»,- լրագրողներին ասել է Պեսկովը։
Այսպես նա մեկնաբանել է Զելենսկիի հայտարարությունը, որ ինքը չի հանդիպի Պուտինի հետ Մոսկվայում։
Նախօրեին Դմիտրի Պեսկովը հայտարարել էր, որ Մոսկվան ներկայում գտնվում է Պուտինի և Զելենսկիի միջև հնարավոր հանդիպման կազմակերպման վերաբերյալ քննարկումների կենտրոնում։ Սա նրա պատասխանն էր ԱՄԷ-ում Ուկրաինայի նախագահի հետ հանդիպելու՝ Ռուսաստանի պատրաստակամության վերաբերյալ հարցին։ Կրեմլի խոսնակը նշել էր, որ հանդիպման կազմակերպման վերաբերյալ «հնարավոր ենթադրություններն» «անտեղի» են։
Թարգմանությունը՝ Էմմա Չոբանյանի
