28.07.2026 | 14:25
Պալատը դատապարտել է Ծառուկյանի գործով փաստաբան Երեմ Սարգսյանին հեռացնելն ու որպես վկա հրավիրելը
Վերահաստատվել է հայ-ռուսական համագործակցության շարունակականությունը. Արամ Ղազարյանն ընդունել է Վյաչեսլավ Բուտկոյին
Քաղաքականություն
29.01.2026 | 22:40
Հունվարի 29-ին ՆԳՆ փրկարար ծառայության տնօրեն, ներքին գործերի նախարարի տեղակալ Արամ Ղազարյանը ընդունել է ՌԴ արտակարգ իրավիճակների նախարարի տեղակալ Վյաչեսլավ Բուտկոյի գլխավորած պատվիրակությանը՝ քննարկելու հայ-ռուսական համագործակցության ընթացքը, Ռուս-հայկական մարդասիրական արձագանքման կենտրոնի գործունեությունը և արտակարգ իրավիճակների ոլորտում համատեղ ծրագրերի զարգացման հեռանկարները։
Արամ Ղազարյանը, ՆԳ նախարար Արփինե Սարգսյանի անունից ողջունելով հյուրերին, շնորհակալություն է հայտնել արդյունավետ համագործակցության համար և կարևորել Ռուս-հայկական մարդասիրական արձագանքման կենտրոնի գործունեությունը՝ ընդգծելով, որ վերջին տասը տարիներին կենտրոնը հաջողությամբ և օպերատիվ կերպով իրականացրել է իր առջև դրված խնդիրները։
Հանդիպման ընթացքում կողմերը նշել են, որ ժամանակակից մարտահրավերները պահանջում են համակարգված մոտեցումներ արտակարգ իրավիճակների կանխարգելման, բնակչության պաշտպանության և հումանիտար օգնության տրամադրման ուղղությամբ։ Վերահաստատվել է համագործակցության շարունակականությունը՝ կարողությունների զարգացման և փորձի փոխանակման համատեքստում։
Վյաչեսլավ Բուտկոն ընդգծել է Հայաստանի փրկարար ծառայության հետ ուղիղ երկխոսության կարևորությունը՝ առանձնահատուկ ընդգծելով Ռուս-հայկական մարդասիրական արձագանքման կենտրոնի դերը։ Հանդիպման ավարտին պատվիրակությունների անդամները ծաղիկներ են խոնարհել Փրկության նվիրյալների պատվո հուշարձանին։
