07.06.2026 | 23:05
Ինչ է կատարվում ՔՊ-ի շտաբում․ ըստ նախնական հաշվարկների՝ Փաշինյանի կուսակցությունն առաջատարն է․ ՈՒՂԻՂ
Արսեն Թորոսյանին 168,000 դրամ արժեքով գիրք են նվիրել
29.01.2026 | 18:00
Աշխատանքի և սոցիալական հարցերի նախարար Արսեն Թորոսյանը դեկտեմբերի 8-9-ը Վրաստան կատարած այցից վերադարձել է նվերով։ Այս մասին Factor.am-ը տեղեկանում է Թորոսյանի՝ Կոռուպցիայի կանխարգելման հանձնաժողով ներկայացրած նվերների հաշվառման ձևաթղթից։
Վրաստանի աշխատանքի, առողջապահության և սոցիալական հարցերի նախարար Միխեիլ Սարջվելաձեն հայ գործընկերոջը Շոթա Ռուսթավելու «Ընձենավորը» գիրքն է նվիրել:
Նշվում է, որ գրքի կազմը զարդարված է բնական քարերով և արծաթե զարդանախշերով: Այն ունի խոշորացույց, ինչպես նաև վկայական:
Նվերի արժեքը 168,000 դրամ է։
Հիշեցնենք՝ «Հանրային ծառայության մասին» ՀՀ օրենքում կատարված փոփոխությունների արդյունքում սահմանվել են հանրային ծառայողների կողմից նվերներ ընդունելու վերաբերյալ նոր կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
