28.07.2026 | 17:35
Ճապոնիայում երկրաշարժից հետո առևտրի կենտրոնում պայթյուն է տեղի ունեցել. շենքում մարդիկ են մնացել
ՉԼ․ Մբապեն գերազանցել է Ռոնալդուի ռեկորդը, Լևանդովսկին կրկնել է Մեսիի ցուցանիշը
29.01.2026 | 17:44
Մադրիդի «Ռեալի» ֆրանսիացի հարձակվող Կիլիան Մբապեն, դուբլի հեղինակ դառնալով պորտուգալական «Բենֆիկայի» դեմ Չեմպիոնների լիգայի 8-րդ տուրի խաղում (2։4), Լիգայի փուլն ավարտել է ռեկորդային 13 գոլով։
27-ամյա Մբապեն գերազանցել է «Ռեալի», «Մանչեսթեր Յունայթեդի» ու «Յուվենտուսի» նախկին հարձակվող Կրիշտիանու Ռոնալդուի ռեկորդը։ Այժմ սաուդյան «Ալ Նասրում» հանդես եկող 40-ամյա Ռոնալդուն Չեմպիոնների լիգայի 2015/16 մրցաշրջանի խմբային փուլում «Ռեալի» կազմում խփել էր 11 գոլ։ «Ոսկե գնդակի» 5-ակի դափնեկիրն այդ ցուցանիշը գրանցել էր 6 խաղում, իսկ Մբապեին պահանջվել է 7 հանդիպում, հաղորդում է Opta-ն։
Կատալոնական «Բարսելոնայի» լեհ հարձակվող Ռոբերտ Լևանդովսկին ռեկորդ է կրկնել դանիական «Կոպենհագենի» դեմ հաղթական խաղում (4։1) խփած գոլի արդյունքում։
«Կոպենհագենը» 40-րդ թիմն է, որի դարպասը 37-ամյա Լևանդովսկին գրավում է գլխավոր եվրագավաթում։ Նա կրկնել է «Բարսելոնայի» ու ՊՍԺ-ի նախկին հարձակվող, Արգենտինայի հավաքականի ու ամերիկյան «Ինտեր Մայամիի» ավագ Լիոնել Մեսիի ռեկորդը։
Չեմպիոնների լիգայի պատմության լավագույն ռմբարկու Կրիշտիանու Ռոնալդուն գոլ է խփել 38 տարբեր թիմերի։
