ՖԱՖ երկրպագուական շարժումը հարգել է ՊԱՕԿ-ի 7 երկրպագուների հիշատակը։ Հունական ակումբի երկրպագուները ֆրանսիական «Լիոնի» դեմ Եվրոպա լիգայի 8-րդ տուր հանդիպմանը մեկնելիս ավտովթարի էին ենթարկվել Ռումինիայում ու զոհվել։
«Երեկ եվրոպական ֆուտբոլի վերջին տարիների ամենաողբերգական դեպքերից մեկն է տեղի ունեցել։ Հունաստանից Ֆրանսիա արտագնա խաղին մեկնող ՊԱՕԿ ֆուտբոլային ակումբի երկրպագուներին տեղափոխող մեքենայի վթարի հետևանքով զոհվել են ՊԱՕԿ-ի յոթ երկրպագուներ։
Այսօր Հունաստանի դեսպանատան մոտ մեր սոլիդարությունը հայտնեցինք եղբայր հույն ժողովրդին և հարգեցինք զոհված երկրպագուների հիշատակը»,- նշված է ՖԱՖ-ի հաղորդագրության մեջ։
